New Era Newspaper

New Era Epaper
Icon Collap
...
Home / Omumeno apeshe mpoka

Omumeno apeshe mpoka

2022-02-23  Victoria Kaapanda

Omumeno apeshe mpoka

Nonando aanamapya oyendji ya tameke ou longa ethimbo lya pwa po, oyendji otaya yolele ketayego sho omapya ga mena. 

Saima Shikololo gwomomukunda Onampira okwa ti, iilya yawo oya mena nawa niiyimati yomomapya oya tula ko. Ta ti sigo ompaka ota pandula omvula sho ya loko nawa, niilya yawo oya taalalelwa nawa.

“Nonando ota tu pandula, out na uutile womvula oyindji ndyoka tayi tsikile okuloka, notwa tila omapya getu ga yule go ga ponokelwe kemfundja,” ta ti ngaaka.

Ta ti, omagumbo gawo oga gama kiishana onkene omvula ngele oya tsikile okuloka, omeya otaga kathika momapya gawo noku hanagula po iilya yawo.

“Otwa kala shili nokugalikana omvula yi loke, opo iilya yetu yi monike ngaashi nana tayi monika ngaaka, ihe paife otuli ishewe momalimbililo,” ta popi ngaaka.

Ta ningi omashendjo ta ti, ngeno okwali nga Pamba ha pulwa kutya natume omvula yi thike peni, ngeno hwepo. “Omvula oyi na omuwanawa yo oyi na uuwinayi. Ohayi tu palutha shili, ihe natango ohayi faalele oomwenyo dhaantu. Aantu otaya sile miishana yomeya omanga yamwe taya yakulwapo koombandhi,” ta ti ngaaka. Maria Petrus gwomomukunda Oshitutuma okwati, omvula nonando tayi tsikile okuloka otu na okupandula.  “Omanga tayi loko otuuvite nawa oshoka ngele kayi po, otatu si ondjala,” ta popi ngaaka.

Petrus ta ti, ngele ka pena omvula, iimuna oshowo aantu otaya si kondjala. Nonando pena mboka natango inaaya tameka okulonga omapya gawo, otaya ti, oya tegelela malitsa opo ya pululithe omapya gawo.

Shalongo Simion okwati, omvo nguka ogo gwa huginina okulonga omahangu. Ta ti, okuza omvo taguya epya lye oteli ningipo oshikunino alihe opo a vule okukuna iikwamboga ye.

“Iikwamboga otandi vulu okuyi landitha ngame tandi mono oshimaliwa. Omahangu ohatu ga longo etata lyomumvo, ihe ngele twa mana se ta tuga pungula,” ta popi ngaaka.

Simeon okwa ti, ngaashi omvula tayi loko nawa ngiika ngeno oshikunino she otashi  lokwa nawa.

vkaapanda@nepc.com.na  


2022-02-23  Victoria Kaapanda

Share on social media