New Era Newspaper

New Era Epaper
Icon Collap
...
Home / Omwaalu gwaantu taya kwatwa koCovid-19 ogu uka pombanda

Omwaalu gwaantu taya kwatwa koCovid-19 ogu uka pombanda

2021-06-01  Victoria Kaapanda

Omwaalu gwaantu taya kwatwa koCovid-19 ogu uka pombanda

Omwaalu gwaantu taya kwatwa komukithi gwoCovid-19 ogu uka pombanda. 

Ndhoka odha popiwa kuminista guuhaku nonkalonawa Kalumbi Shangula momushangwapitithi Osoondaha.

Shangula okwa ti iipangelo  oyataamba aantu oyendji ya kwatwa komukithi gwoCovid-19 moshilongo. Sigo oompaka aantu 482 oya lopotwa ya kwatwa komukithi ngoka. 

“Aantu ye li 824 sigo onena oya si komukithi ngoka okuza esiku gwa ponokele oshilongo omvo gwayi,” ta popi ngaaka.

Shangula okwa dhidhilike omwaalu gwaantu taya si guuka pombanda omolwa aantu itaaya simaneke noku gwanithapo omalandulathano noompango dhoku keelela omukithi ngoka dha tulwapo. “Omukithi gwocorona ogwa lopotwa tagu taandele unene moshilando pangela, Rehoboth oshowo Swakopmund,” ta ti ngaaka.

Aantu yeli yeli 271 oya taambelwa miipangelo omanga yeli 42 yeli kiifudhitho oshilongo ashihe, ihe omwaalu ngoka ohagu ende guuka pombanda kehe esiku. Minista okwakumagidha oshigwana shi tsikile oshowo shiitulemo okutuntilwa okukeelela omukithi ngoka gutaandele ngaashi tagu lopotwa guuka pombanda kehe esiku.

“Kehe gumwe okuna uuthemba okutuntilwa omiti dhe hogololo lye. Omuti ngoka ka guna uuwinayi sigo ompaka,” Shangula ta ti ngaaka.

Shangula okwa kumagidha oshigwana shi tsikile okugwanithapo omalandulatha noompango okukeelela omukithi gwocorona guutandele oshowo gufaalele oomwenyo dhaapambele ye tweni. Ta ti, omangundumano naga shonopale sigo opo mwaalu 50, oshowo aantu naya zale uumasika mokati kaantu.

“Aantu naya iyoge koonyala ethimbo alihe, naya kalekepo uuyogoki ethimbo alihe oshowo naya kale taya pitithapo omahala pokati komuntu nomunitu,  ta ti ngaaka.


2021-06-01  Victoria Kaapanda

Share on social media