New Era Newspaper

New Era Epaper
Icon Collap
...
Home / Ondjozikiro kOmbara Otjitambi notu wondja two ma temba

Ondjozikiro kOmbara Otjitambi notu wondja two ma temba

2021-06-25  Kae Matundu-Tjiparuro

Ondjozikiro kOmbara Otjitambi notu wondja two ma temba

Otjomuise- Otuveze two ndjuriro tjingetjo tuhepa omikambo via peke, otjo mambo tjiyeheya.

Munao otjiwaøa tjOvaherero, mena roruveze rwa peke ro Covid-19, ovandu kombanda yo murongo tjivehasere okuworongana pamwe, otji tja paha omwano wa peke wo ku yandja ondjozikiro komunane watjo, Ombara Otjitambi yOvaherero, omuyaruke Vekuii Rukoro. Okuza mo hinga yoine yo ma meta ndinondi, otjiwana otji ma tjikuwa  oku woronganene mo ma temba po ru tjandja ro manyando mo Khomasdal. Opu ma tjizire  norukosi romatemba no kuhina mundu ngu ma heruka me temba meri, oku yenda ko ma turiro wo mbara mo ma turiro inga Olympia. 

Oruwondja ro ma temba indwi, ndu ma ru wondjozwa iyo porise yo tjihuro, ma ru kahikiza uriri po nganda yo mbara na ru kapita o ku yandja ondjozikiro kombara ndjazapere Oritjatano ndazuko. Nguri kohonga yo tji tjitwa ihi, Orata yOkarukondua kOmatoororeo mOkatutura Mondivitivi, Rodman Katjaimo, ma ningire otjiwaøa oku ri tjinda  kutja  tjiyandje oupupu ko ru wondja indwi  na wina kwiindjo' porise ndji ma tjii tjevere. 

Katjaimo matja okuza no ku hikiza no ku kapitira po ma turiro wo mbara mo Olympia, oruwondja ro ma temba inga ma ru yaruka ko Katutura po Komando oro pu ma ru ka haøikira nu wina no ku hina pa heruka omundu metemba. Wina marakiza oukukutu kutja omatemba inga ozombaki kayesere oku rondisa ovandu muzo. Ngunda aperi nao omweze imbwi Ngarano rukuru nai mu mwawirire ozondekurona zo TjiÞiro Otjindjandja no vandu ozo mbambairi mo tjiwaøa moviÞo viao peke peke, tjimuna Mburumba Kerina, Willem Konjore na varwe, otjiveke ihi wina kweriweza zarwe ndatoora ondjira tjingeyo, tjimuna Onongo Ngarikutuke Tjiriange, ngwa zapere Oritjatatu, no Nongo Tjitana Ngavirue, ngwa tji rirwe amazapo Oritjatatu outuku petjirwe erero, Oritjaine. Ngunda Konjore ama suvisiwa omayuva wo ma suviro inga kEhi rOzongwena, ozombakero inÿo zarwe zovaÞi mba ta munwa kaze ya zikamisiwa. 


2021-06-25  Kae Matundu-Tjiparuro

Share on social media