New Era Newspaper

Icon Collap
...
Home / Ongwediva, vatungimo kavavahundilire vafute kwamuni

Ongwediva, vatungimo kavavahundilire vafute kwamuni

2021-04-29  Victoria Kaapanda

Ongwediva, vatungimo kavavahundilire vafute kwamuni
Top of a Page

Ndango zodoropa zaOngwediva kuna kuhundira vatungimo vakare tava futu mukuli gwawo kondango zodoropa nosiruwo. 

Mokukwama muhuyungilipo ndango zodoropa, Jackson Muma, katente asi awo ngesi kuna kukatameka kukatura moyirugana kukeverera omu vana kufuta vantu vawo kutameka mokwedi kwa10 May kutunda tupu apa vatameka kukara asi kapi vana kuyukeverera nawa morwa Covid-19.

Kutura moyirugana kuna kutameka ngesi, omu navakahagekesa kugwana yirugana ndi uwa kovantu ava ava pilire kufuta makongo gawo ndi vahepa nye kuza komberewa oku yawapera yipo vakatulisepo marongikido omu navafuta. 

Muma katente asi mukaro gwangesi kuna wizirepo morwa awo kuna kumona asi vantu kapi vana kufuta kweyi ava gwana kondango zodoropa. 

Vatungimo modoropa kuna kara nye ngesi nomakongo gokusika ko N$50 donomiliyuna. 

Vakansela nare vatameka kugwanekera kumwe novantu momarupe gokulisigasiga, omu vana kuhundira vantu vafute mukuli gwawo. 

Nye kapisi navenye valimburukwa kehundiro lyangoso. Yimo ana kugwedako. Ongwediva kukwara tava tara asi vantu vawo vagwane mema nayimwe ngoso vana hepa kondango zodoropa morwa mukisi nye ogu guna tugumu gocorona kutunda tupu mokwedi kwaApril 2020. Makura nye mukaro ogu kwareta nye udigu moyirugana yondango unene mokutulisapo makuliko ntani matungo nkenye. Nampili ngoso ndango kuna kupandura kwava vafuta mukuli gwawo moomu yawapera, nampili ngomu tuna kara mosiruwo esi soCovid-19. 


2021-04-29  Victoria Kaapanda

Share on social media
Bottom of a page