New Era Newspaper

New Era Epaper
Icon Collap
...
Home / Ongwediva ya yambidhadha opoloyeka yiikwamawawa

Ongwediva ya yambidhadha opoloyeka yiikwamawawa

2021-06-08  Victoria Kaapanda

Ongwediva ya yambidhadha opoloyeka yiikwamawawa

Elelo lyondoolopa yaNgwediva olya yambidhidha oproyeka yiikwamawawa neshina lyoku ninga omayi lyongushu yoN$18 000 mOngwediva.

Eshina okwali lya gandjwa kaakalimo yomomudhingoloko New Reception mOngwediva, yehangano tali ithanwa Faith Poutry farming Etitano lya ziko.

Mayolo gwondoolopa yaNgwediva Taarah Shalyefu okwa ti, Ongwediva oyina olukeno nohole yaakalimo yawo, sho shoka tayi yiitulamo moku kambadhala okuyambulapo noku humitha komeho onkalamwenyo dhawo okupitila mo mayambidhidho ga yooloka.

“Okugandja omayambidhidho kaakalimo yomomdhingoloko gwetu, otaku etapo wo natango oompito dhiilongo oshowo eyampulepo lyeliko mondoolopa,” ta popi ngaaka.

Shalyefu okwati, elelo lyondoolopa yaNgwediva olya hala ehumo komeho okupitila meyambulepo lyoongeshefa oshowo aakalimo taya longele kumwe okuyapo noongeshefa dha yooloka.

Ta ti, omasiku omashona ga piti po, elelo lyondoolopa natango okwali lya gandja eshina lyoku ninga oodhopi kaakalimo yomoNgwediva yehangano Shack Dweller Federation of Namibia.

Mayola okwagwedhapo ta ti, elelo lyondoolopa yaNgwediva otali tsikile okuyambidhidha aakalimo poompito adhihe okulundululo onkalo yeli muyo yiye pondondo yili hwepo.

Omupoliko gwelelo lyondoolopa yaNgwediva Jackson Muma okwati, eshina ndyoka olina oomahala go mayi geli 1056 no hali vulu oku tendulitha omayi geli  176 koshiwike.

“Eshina ndika ohali longo kolusheno, koSolar oshowo komamanya,” Muma ta fatulula. Omukwateli komeho gwoproyeka ndyoka ya yambidhidhwa neshina lyokuninga omayi Teopolina Alweendo okwapandula elelo lyondoolopa yawo sho lya yamukula komakemo gawo.

“Eshina ndika otali ka kwathela oproyeka yetu yi hume komeho no tatu  keli longitha nuukeka, opo  li tsikile okutulongela uwanawa,” Alweendo ta pandula.


2021-06-08  Victoria Kaapanda

Share on social media