Victoria Kaapanda
Teofilus Shaduka omulongwasikola moGabriel Taapopi Secondary ngoka hogololwa onga Mayola omushona melelo lyondoolopa yaNgwediva okwa ti, pamwe nookansela oya kwawo aashona, okwa hala ya lundulile onkalo yanyaipala, ya taalela aagundjuka mOngwediva.
Shaduka ndhoka okwedhi popi sho kwali ta gandja omalalakano ge, sho a hogololwa onga Mayola omushona melelo lyondoolopa yaNgwediva, Etiyali. “Uupyakandhi wa yooloka wa taalela aanyasha mOngwediva otau indjipala oshowo okuya teya po, sho shoka twa hala okulonga nawo opo tuwu kandule po,” ta popi ngaaka.
Ta ti, shoka itaye keshininga mokana, ihe otaya ka kutha onkatu, opo ya ete elunduluko nonkalo ombwaanawa mo kati kaanyasha.
Tiofilus okwati, shoka otaye keshininga nondjungu oshowo neyi tulemo, opo aanyasha ya kale ya tula elongo komeho oshowo okulongekidha oonkalamwenyo dhawo monakuyiwa.
“Nonando twa kala tuli muupyakandhi wo mukithi omudhigu goCovid-19, ngoka gwa hanagula oshindji oshowo gwa faalele oomwenyo dho yendji, ita tu sholola,” ta popi ngaaka.
Ta gwedhapo ta ti, omanga ya pewa ompito ndyoka, otaye keyi longitha oku eta elunduluko mondoolopa ya wo yaNgwediva.
“Shoka tatu kalonga, inashilongwa nale. Ita tu kalonga ashika, ihe otatu kala twiitula mo nokuhola iilonga yetu okuza koondungu dho mitima,” Tiofilus ta ti, ngaaka.
Natango okwa popi ta ti, shoka sha thigwa inaAshi longwa nenge inashi pwa, otaye keshi gwanithapo, ngaashi naana sha tegelelwa okulongwa. Omupevi Mayola ngoka naye a li ahogololwa esiku ndyoka Anna Ashipala okwati, etanga ya thigilwa kookansela ya zimo otaye kelithanga nawa ngaashi naana ye li pewa, ihe ookola otadhi ka kala ondhindji ndhi vule ndhuudhano wa mo kapale.
“Oshiholelwa otweshi mono okuza kongundu ya ya yi, onkene nase ota tu tsikile okulongela ondoloopa yetu uuwanawa, okulongekindhila aakalimo yo mOngwediva uuwanwa monakuyiwa,” ta popi ngaaka.
Shilongo okwa ti, okwanyanyukwa sho aningi gumwe gwo mwaamboka ya hogololwa ya kalelepo aanona aakwawo, okuhumitha komeho elelo lyondoolopa yaNgwediva.
–vkaapanda@nepc.com.na