New Era Newspaper

New Era Epaper
Icon Collap
...
Home / Oombashu hamano dha pi po mOmbaye

Oombashu hamano dha pi po mOmbaye

2022-09-19  Victoria Kaapanda

Oombashu hamano dha pi po mOmbaye

Nonando oombashu ndatu odha pipo thiluthilu, aantu yatatuo ya ningi aanelago sho ya li ya hupu momililo moka.

Omukalimo moshitopolwa shErongo Frans Petrus okwa li a pandulwa kopolisi sho a hupitha omukiintu gomimvo dhopokati ngoka a li a gwile mombashu ethimbo tayi pi.

Sha ikolelela kepeko lyopolisi oshiningwanima shoka osha holoka kongulohi yEtitatu momudhingoloko Mondesa mOmbaye.

Otaku hokololwa kutya omukiintu ngoka okwa li a kotha n kwa li u uvu aantu taya kugu konima yombashu ye.

Opolisi tayi ti sho a piti pondje okwa mono omulilo gwa yaka gu uka mombashu ye.

Tayi ti anuwa okwa li a shuna mo mombashu ye nelalakano lyoku ka hupitha omaliko ge gamwe, anuwa sho a yi meni okwa li i ihata po kolwithi.

Anuwa sho Petrus a thiki poshiningwanima oku uvu aantu taya kugu kutya mombashu moka omwa ya omuntu ihe ina galuka mo.

Otaku hokololwa kutya okwa li a yi mo a pitile mekende nokwa li a kutha mo omukiintu ngoka a li a adha a lala pevi.

Opolisi oya ti omulumentu gumwe naye okwa li ta kwathele pethimbo mpoka, okwa li a y wa kolwithi e tali mu etele nayi.

Ayehe nomukiintu okwa li ya falwa koshipangelo ihe ngaashiingeyi oye li monkalo yi li nawa.

– vkaapanda@nepc.com.na


2022-09-19  Victoria Kaapanda

Share on social media