Opolisi yaNamibia oya kumagidha oshigwana shi kale aluhe tashi uuyutha koompango nokomalombwelo gawo uuna tashi kumagidhwa. 

Opolisi okwa li ya popi ngaaka konima omulumentu gomimvo 25 Absalom Absalom a li a si sho kwa li a yahwa kopolisi moshitopolwa shaKhomas, mehuliloshiwike. 

Oshiningwanima shoka osha holoka momundhingoloko tagu ithanwa Mix, lwopotundi 23h00. 

Otaku hokololwa kutya Absalom okwa li ta ende pamwe namukwawo, omanga ya humbata iikolitha peke, nokwa li ya kankamekwa kopolisi pethimbo kwa li tayi patolola. 

Opolisi oya ti, sha ikolelela kokatendo kelongitho nayi lyomalovu, aalumentu mboka okwa li ya pulwa kutya oshike taya ende niikolitha ethimbo ndyoka, shoka kwa li sha etitha enenyeto pokati kawo nopolisi. 

Otaku hokololwa kutya Absolom okwa li anuwa a tameke okuumba nokuponekela opolisi, noku yu umba nomakende. 

Tayi ti, oya kala noku mu keelela oshowo okuumba mombanda opo a hulithe po okukondja, ihe okwa li ashike atsikile sigo a yahwa noku sa ethimbo olyo tuu ndyoka. 

Omupolisi ngoka ina mangwa po nomakonakono gopolisi oge li metifa. 

Opolisi oya ti, oshigwana nashi longele kumwe nopolisi okuyanda iiningwanima yolundhi ndoka. 

Tayi ti, aapolisi otaya longo iilonga yawo, mbyoka taya gwanithapo, onkene naya simanekelwe iilonga yawo. 

- vkaapanda@nepc.com.na