New Era Newspaper

New Era Epaper
Icon Collap
...
Home / Oruhindo rOvambanderu rwa kowa, ekwamo ondiriro oro Muhatamunua

Oruhindo rOvambanderu rwa kowa, ekwamo ondiriro oro Muhatamunua

2021-11-12  Kae Matundu-Tjiparuro

Oruhindo rOvambanderu rwa kowa, ekwamo ondiriro oro Muhatamunua

Otjomuise - Omayuva wo ma suviro inga ozondjira zOvambanderu ovengi ma ze Þungukire kOmauezonjanda tja Pukiro kOmimbonde Vitano.

Omandaha oruhindo romuhoko kehi yOrata Onene, Ripuree Tjozongoro, otji rwa herukire porutjandja ro zo nÿera ro nÿengu youye indi rwa Hango, indwi ndwa rukirwa ko mu kururumendu Ombara Otjitambi yOvaherero, omuyaruke Hosea KuÞako.

MOtjomuise oruhindo indwi rwa ya kurirwe otjo zo mbangaøe tjinga otjiungura tji rwairire kehi rOvandoitji atjari onÿoneno mo kutja ekwamo ro Muhatamunwa rwe kerizemburukire otja ndiriro. Munao oruhindo otji rwa yakurirwe no zo mbimbi, ondoro, onÿerera no maimburiro. Meimburiro mwari ro ndjozikiro komuyaruke Ombara Munjuku III Nguvauva, eye ngwa ri kohonga yo ngondjero yo kutja ekwamo ra honini we rikotoke, posia nai ngu hari orupa ro ru hindo indwi mena retjise indi o Corona.  Tjingetjo otjimbi tjoruhoze otji tjari moruhindo indwi mehi rOvandoitji motjirongo o Braunschweig ovo tji va munine ekwamo ro Muhatamunwa indi, nu wina tji tja  zemburukire kutja ingwi ngweri kondjera no ku hino kuurwa, Munjuku III, kaari punawo oku rizemburuka punawo no ku yeta ongondjero indji ohinga kotjikoro. 

Ovimbumba Omandaha otji via woronganene omuhoko puu womba tjimuna ozongombe tjOvambanderu mOtjomuise kutja tjizuve otjini no ma twi watjo ombuze onanyuøe indji yo kutja ekwamo romunane no ndangere yatjo ondiriro no u yenda kehi rOvandoitji munao otjiwari onÿoøeno. 

Nambano tji tja sewako omuhoko oku Þungukira ko katomeno kOvambanderu okeni, muhuka ovimbumba pu ma viundjirwa oku kazuva ombuze ombwa indji mo tjinjo tjoukambe owini, ozohoze zatjo ndu ma zezu kehi Rovandoitji.

Ozohoze no va hindwa vo mu hoko inma mavetja  va kotoka mo Namibia  ava kowa kutja ekwamo ro Muhatamunua ondiriro. Mo kutja okuza no ku rimuna oveni no meho wawo, okuÞuna ko no ku riyaruka mourekoto wo  mwinyo vyao naimbi imbi mbi va munine, owo vakoverwe oku kowa katjotjiri kutja ekwamo indi ondiriro. Movikaøena vyaro ovikovise ouheze waro mbwe veraisire kutja oro ra Þukwa no make otja kombanzu; ari mbaahirwa tjazumba wina ari huuwa otjize. Nu kombunda yo zo mbura ape 125 oro nganda ra hu kurirwe iyo owo mu zaro umwe wehi ro huurire rOvandoitji, Gustaf  Voigts, kOmuhatmunua, otjingariri nouheze waro. 

Nambano nai tji tja zewako ozohoromende azeembari inÿa oku tiasana kutja ekwamo indi ri kotoke koveni varo, Ovambanderu, naiho otjiwaøa atjihe tja Namibia, tjinga Omuhatamunua aari omunane wehi arihe, Ueriuka Nguvauva, ngwa kondjo no ma tezero we kwamo indi puno' muyaruke Ombara Munjuku III, matja. Tjingetjo nai otjirata tjo tjihuro ihi o Braunschweig, ma tjiundjirwa oku serura otjiungura tjomahi ayeevari inga no ngutiro yokutja ekwamo indi. 


2021-11-12  Kae Matundu-Tjiparuro

Share on social media