New Era Newspaper

New Era Epaper
Icon Collap
...
Home / Oshipotha shedhipago lyaMukwiilongo sha undulilwa komeho ishewe

Oshipotha shedhipago lyaMukwiilongo sha undulilwa komeho ishewe

2022-11-07  Victoria Kaapanda

Oshipotha shedhipago lyaMukwiilongo sha undulilwa komeho ishewe

Victoria Kaapanda

Iihokola yoshipotha shedhipago lyaLeonald Nangolo Mukwiilongo, onkene tayi tsikile, noshipotha shoka okwa li sha undulilwa komasiku gahetatu gaDecemba nuumvo.

Ompangu onene yaShakati oya ti oshipotha shoka okwa li sha undiliwa komasiku hoka oshoka omufekelwa gumwe kakwa li e na hahende te mu kalele po esiku ndyoka, nokwali a pewa sigo ethimbo ndyoka a kale a mona hahende.

Mukwiilongo okwa si eso lyi nyanyaleka sho kwa li a dhengwa kaalumentu yahamano momasiku 25 gaApilili 2017 momudhingoloko gwaElim moshitopolwa shaMusati nokwa li a hulithile koshipangelo kuululume wa etwa komahepeko ngoka momasiku 11 gaMai 2017.

Aatamanekwa moshipotha muka oyo Stefanus Namapula(38), Tomas Amwele(39), Abraham Shipena(30), Hafeni Jerome(35) Evalistus Shilongo(32) naNakale (46).

Oya tamanekelwa iipotha yedhipago, uufuthi oshowo noya li wo ya adhika niilwitho kaayi na oombapila. 

Mo2019 aalumentu mboka taya tamenekelwa edhipago lyaMukwiilonga okwa li ya ndhiki oonyala mevi ayehe no kwi igamena nomatempelo ga yooloka kutya hayo ya ningi oshinima shoka.

Gumwe gwomwaamboka ta tamenekelwa edhipago lyaMukwiilongo okwa omvo nguka okwali a kutha mo eyindilo kwa li a ningi opo andola a pewe ompito yo kwiifutila mo mondholongo. Willem Nakale gwomimvo 46, okwa li a kalelwa po kuhahende gwe Maria Amupolo, ngoka a li a popi kutya eyindilo lyokumona ompito yo kwi ifutila mo oye li  kutha mo.

Amupolo ka kwa li a gandja etompelo lya yela kutya omolwashike eyindilo lya kuthwa mo, nonando a popi kutya otashi ya shi kundathanwe esiku lyoku pangulwa ndoka kwali lina okukalako momasiku 12 gaApilili , ihe sigo onena inali thikana.

Shoka okwa li eshi popi mo mpangulilo onene yaShakati, esiku Nnakle kwali a tokola okukuthululamo eyindilo lyeyifutilemo. Esiku ndyoka aakwanezimo ya nakusa Mukwiilongo okwa li ya ningi omunyanyo gopambili, ye li ompinge kutya kape na nando omutamanekwa gumwe ta vulu okumona eyifutulemo sha landula shoka ya ningile omukulupe.

Omunyanyo okwa li gwaningwa kaakwanezimo nokokuume mOshakati okuza po polisi sigo opo mpangulilo onene yaShakati, taya indile ompangu kaayi pitike nando omutamanekwa gumwe kaapewe ompito ye yi futilemo.

Omutekulu gwe gumwe gomukiintu ngoka edhina lye lyishiwike koshifokundaneki shika okwa ti, oye li ompinge ye yeindilo lyoombologa.

“Aafuthi mboka oya dhipaga tatekulu, ota tu luluma sigo onena onga aakwanezimo. Tse yamwe okwa li hatu yambindhindhwa ku tatekulu ihe nena ke po, ota tu mono iihuna,’’ ta nyenyeta ngaaka”.

Ta ti, oya hala oshipotha shoka shi pangulwe pauyuki, naafuthi mboka naya mone egeelo lyawo lyeya opala, omolwa oshiningwanima shi nyanyaleka ya ningi.

Mukwiilongo okwa li omunangeshefa a simana, nomunapolitika, oshowo Ngoloneya gotango moshitopolwa shaMusati.

– vkaapanda@nepc.com.na 


2022-11-07  Victoria Kaapanda

Share on social media