New Era Newspaper

New Era Epaper
Icon Collap
...
Home / Otjiposa tjo TjiÞiro Otjindjandja ma tji ya rurakisiwa ko otjikando otjitjatatu

Otjiposa tjo TjiÞiro Otjindjandja ma tji ya rurakisiwa ko otjikando otjitjatatu

2021-03-05  Staff Reporter

Otjiposa tjo TjiÞiro Otjindjandja ma tji ya rurakisiwa ko otjikando otjitjatatu

Otjomuise- Ovaherero, Ovambanderu nOvakwena nai veri motjiungura otjituezu tji maa veenda yenda oku yeta kotjikoro oku yarurakisa otjiposa Tjotjitiro Otjindjandja no tjisuta kunEhi rOvandoitji.

Omayarurakisiro inga oyetjatatu indu omutjemo wao ko Tjombanguriro Tjomayarurakisiro wOviposa  tjOmahi Omakutasane wa America ombunra ndjazuko mu Tjikukutu tji ya na kaurirwe. Ow ova zera kutja otjombanguriro ihi tjitarurure oumune wo zo hahende Winter, Pool na Parker mbwa yandjwa ombura ndjazu mu Ndengaøi tjiyari 24. Ovapangure imba oo  Winter, Pool na Parker moumune wawo imbwi va yauza oumune imbo outenga otjiposa nambano tji tja haama wo mu pangure Laura Twain Taylor  wa tjin yari 6 ku Seninarindi mo 2019. 

Omupangure Taylor pa yandjera oumune wokutja otjombangura eye tja haamisire katjari nousemba wo ku pangura otjiposa tjEhi Rovandoitji, ndiri ehi ekutuke ne ri kuramene kuro oruni ropendje mouye nu ropendje Nomihoko Omikutasane via America. 

Otjehi kehi yoveta indji o Foreign Sovereign Immunities Act ya America, oyo ndji tjevera omahi wopendje oku rondororwa iyo vyombaguriro vya America. 

Mo ma yarurakisiro wo tjiposa ihi oamtenga okurwisa oumune wa Taylor  mo Tjombanguriro Tjomayarurakisiro Woviposa, ovapangure vetatu Winter, Pool na Parker  moumune wawo tjiyari 24 ku Ndengani ombura ndjazuko, va yauza no ku nunisa oumune wo mu pangure Taylor kutja otjo tjiri otjombanguriro tja haamisa katjinousemba wo ku rondora Ehi rOvandoitji. Munao Ovaherero, Ovambanderu nOvakwena oruveze indo katjisupi uriri kombunda youmune mbwa yauza imbo wa Taylor, opu vaya rurakisira otjiposa otjikando otjitjavari.

Omayarurakisiro wotjiposa otjikando otjitjavari oo wo rutuu ndwai ngana motungovi twoumune wo tjo mbanguriro tjingetjo tji tja nakaura omutjemo wOvaherero, Ovambanderu nOvakwena. Owo aa vepaha kutja nambano otjombanguriro itji tji tarurure mo mu tjemo wawo ohunga noumune wa Taylor nowo mbwa yauzwa itjo kehi yovapangure vetatu uriri. Posia omatarururiro watjo otjikando ihi aeharire ovapangure vetatu uriri nungwari wina irire otjombanguriro atjihe okuura no va pangure mbasere oku haama mutjo, mbeheri vetatu uriri. Oruuro poo orutjemo indwi otjombanguriro otji rwa yarerere imbo no ku ye nakaura. Kutja nambano Ovaherero, Ovambanderu nOvakwena ve hungame Otjombanguriro Tjkombanda Mbanda poo Otjinene nene. 


2021-03-05  Staff Reporter

Share on social media