New Era Newspaper

MTC Shares
Icon Collap
...
Home / Otukondua nga tu paturuke no zo sikore nga zeute?

Otukondua nga tu paturuke no zo sikore nga zeute?

2021-07-30  Kae Matundu-Tjiparuro

Otukondua nga tu paturuke no zo sikore nga zeute?
Top of a Page

Otjomuise- Ndinondi po ndatu yo mapeta otjiuri tjehi optji ma yandja ondjivisiro yarwe ohunga no ngaro ehi nai mu riri ohunga no mu tjise imbwi o Covid-19 nu tjinene kutja ehi nambano ma ri paturuka poo indee.

Otja tji peri nai tjinene mokutja ozosikore mazeso' kuuta ke kweze eseinina rombura  kehi yongaro no ru veze ndwa runduruka mena yo Covid-19,  ma pe munika ayo kapeno' mwano warwe pendje no tjiuri tjehi o ku hara harisa omazeva tjiva, nu tjinene oku paturura oma nyinga nyingiro pokati ko tu kondwa peke peke kutja ovahongwa nai mberi mo ma yuva wo ma suviro wo ku pepera veyenda yende ama veutu oku nyinga nyinga oku yaruka ko tu kondwa ku ve hongerwa. 

Omayuva inga ovivarero via  mbeno' mutjise imbwi oupe ma vi yende ama vi henunuka nu otja kovi varero via Ritjatatu mbia tjiukisirwe erero, ovandu avehe kumwe o 326 mehi arihe omba munikire oupe no mutjise imbwi. Otjivarero ihi tja rondere okwiisira ko Ritjatatu tji tja rip o 277. Posia okuuta ko Sondaha (810), na Mandaha (316) na Ritjavari (329) ongahukiro kutja otjveke ihi ovivarero imbi via heruka tjinene ape no 484 pokati ka Sondaha na Ritjatatu. Posia ovivarero vio vaÞi ngunda viri mumwe uriri kapeya kara ombangu onene ndjiÞapi okuza ko Sondaha (51), Omandaha (23), Oritjavari (37), na Ritjatatu (43). Mbi ma viraisa kutja pendje no ma henunukiro okuza ko Sondaha okuya ko Mondaha okuzambo ovivarero vio vati via rondere. Hapo nai okutja otjiuri tjehi nga tji tjitevi? Indee epuriro ndi ma riso okwiingana nu kwina ndi hine' ziriro ra tjimmanga poo epupu pendje no kutja ohepero oku tizira omutjise imbwi mo ngomi oku hino' kuyajdera omariangero oma hara pendje ngahino oku paturura omanyinga nyingiro pokati kotukondua okuyandjera omahongero oku paturuka ndoovazu indji ongaro youveruke nai maiyandjere nao. 


2021-07-30  Kae Matundu-Tjiparuro

Share on social media
Bottom of a page