Mo  ma yuva omurongo okuza ku ndinondi, okomiti ndji tara mo mitjemo vio tjiwaøa ohunga no zo mbuze otji ma iyanda oumune wayo.

Mo mu tjemo wo Tjirata tjOuhonapare tjOmbazu wOvambanderu, Ovambanderu Traditional Council (OTC) kutja ondiero yo Namibia Broadcasting Corporation (NBC), na wina Omurari wOndjivisiro Ombaranga, kutja Ombara Otjitambi Aletha Karikondua Ngunvaua, ko mbepo aha isanewa nao. Oritjavari okomiti indji kehi yo Mutjevere wOmaunguriro Wozombuze, o Media Ombudsman, John Nakuta, otji ya haamene mo Tjomuise mo ma haameno omapaturuke ko tjiwaøa oku puratena ondjemeno yo OTC indji.

Otja ku ndikuza eraa ro NBC indi, okuza ko 2020 Ombara Otjitambi yOvambanderu, mo mirari vio NBC ko mbepo, nu tjinene mo Murari wOndjivisiro Ombaranga, iisanewa Omwara  uriri. Omwara ndi ma ri hee kutja omukazendu wo mbara nu ngwari eye ka mbara. O OTC ya kura me nenwe po i Mbakumua Hengari no hahende yayo Ann-Doris Hans-Kaumbi, ngunda o NBC aiharipo. 

Munao ouøepo wo komiti, Gerald Johr na Nehemia Josef mbaripo, na Emilia Paulus na Manfred Noabeba mo ru ngovi, kehi yomuhaamise Nekuta, otji ya puratene o OTC ngunda o NBC aya hindire eziriro rayo mo rutuu uriri oro nda reserwe po ma purateneno inga. Munao Nakuta otja raisire kutja mape o NBC ozo iri o 24 tjiino kuzirira kouhatoi wo OTC.  Tjazumba okomiti indji  ma iri kundu kuyo oini na i yandja oumune wayo  tjiyeri 8 ku Ngarano, ngeri omayuva o 14 okuza tji ya haamene tjiyari 17 ku Kambundu,  poo ongondoroka no mayuva ingo.