Festus Hamalwa

Kansela woshikandjohoololo shaKongo Efraim Shipindo okwa ti ounona vovanafikola voukadona veli moshikandjohoololo shaye ohava faula okuya keetundi shaashi oveli momhumbwe youututa vokulaamena ngeenge ve li
komafimbo. 

Meenghundafana a ninga naKundana Kansela Shipindo okwa hokolola ta ti oshili eshongo lakula kounona voukadona veli moshikandjohoololo shaye iha va i kofikola ngeenge veli komafimbo shaashi kave na sha ouututa.

Okwa yelifa ta ti oshikandjohoololo  shaye osho shiwme shili sha hama koushai, noshina ovanhu vahapu va shaala po keputuko.

“Ombelewa yange keshe fiku ohai ya kula omanyenyeto okudja moshiwana kombinga younona voukadona a va veli momhumbwe yoikwafifo ngeenge veli komafimbo. Onghee okwa didilikwa ounona vahapu iha i ko vali keetundi shaashi ova fya ohoni okuyan mokati kavakwao nomundjalo fikola una ohande,” Shipondo ta ti.

Shipindo okwa ti ombelewa yaye mopaife ngaha oya tota po oshikonga sho kukala tashi hongele oshimaliwa opo shi kalandele ounona voukadona ouututa una ngeenge veli komafimbo.

“Ohandi indile kovasamaria ile kukeshe umwe ou ena ehalo nolukeno opo va yambidide ounona voukadona nakashona ve no po ile oku yandja ouututa. Oshiwana natuyambideni ounona a va opo va kale va mona oikwafifo
ei va pumbwa oku longifa ngeenge veli komafimbo,” Shipindo ta ti.

Shipindo okwa ti ounona ovo ovaleli vokomongula, onghee ovapumbwa oku kwafelwa opo va kale vaya keetundi ngaashi naana ounona voukadona aveshe.

Okwa ti oshili shafimana ngeenge ounona a va tava yambidindwa oku kala va mona uukote. “Ounona vamwe ohava di momikunda dili kokule nodolopa neenghono, opo nee okaana oko keuye kodolopa opo kalande okatuuta
kako oshili eshongo lakula ku ko. Omanga ounona vamwe ovadali vavo oiha valongo tuu nande, kave na apa tava hange oimaliwa yokulandela ounona vavo outuuta vokomafimbo,” Shipindo ta ti.

Okwa ti oshiwana nashi kwatafane nombelewa yakansela Shipindo una sha hala oku yambidida ounona voukadona ile vadenge kongodi yaye yopeke yonomola 0814616068.