New Era Newspaper

New Era Epaper
Icon Collap
...
Home / Ovanailonga mofitola vati va ponokela omunailonga mukwao noku mu nyeka oshimaliwa

Ovanailonga mofitola vati va ponokela omunailonga mukwao noku mu nyeka oshimaliwa

2022-12-14  Festus Hamalwa

Ovanailonga mofitola vati va ponokela omunailonga mukwao noku mu nyeka oshimaliwa

Festus Hamalwa

Ovanailonga vavali hava longo mofitola Cosmetica vati ova ponokela omunailonga mukwao noku nyeka ko oshimaliwa N$113 710. Vati okwa li ve kwete eembele tave mu ningile omatilifo kutya na yandje oshimaliwa manga inave mu dipaa.

Ovafekelwa vati okwa li yoo ve li pamwe novafekelwa vavali mwa kwatelwa omushingi wotaxi noshoyo omunailonga mukulu naye kwa li ha longele mofitola omo.

Oshiningwanima eshi osha ningilwa kendiki lomangeshefelo loBlack Chain moWindhoek Omaandaxa efimbo longula lwopotundi 08h00.

Omupopiliko wopolifi moshitukulwa shaKhomas Warrant Silas Shipandeni okwa hokolola ta ti ovafekelwa hava longo mofitola omo ova unganeka vakwao opo ve uye va nyeke ko oshimaliwa komunailonga mukwao ou e na oshinakuwanifa shokutuvila oshimaliwa.

Vati ovafekelwa ovo ova kala ve shishi kutya oshimaliwa osho va longa Etitano kakwa li sha twalwa kombaanga onghee ova ninga onghendabala opo va kale ve shi nyeka ko ongula manga inashi twalwa kombaanga.

Opolifi oya hokolola tai ti Omaandaxa eshi omunailonga umwe kwa li ta kufa oshimaliwa opo e shi twale kombaanga okwa ponokelwa ndele te shi nyekwa.

Ovafekelwa vavali mwa kwatelwa omunailonga umwe ova kwatwa po manga ovafekelwa vavali ova faduka po. Opolifi otai indile moshiwana kwau e na ouyelele kombinga yovafekelwa ava opo shi kale sha lopotela opolifi keshe i li popepi.

fhamalwa@nepc.com.na


2022-12-14  Festus Hamalwa

Share on social media