n Festus Hmalwa

O

vanyasha vomoshikandjohololo shaNgenga ova mona endiki lomadeulo opaungomba ledina Ongenga Technical College eli li li mOngenga. Meenghundafana a ninga naKundana kansela woshikandjohololo shaNgenga Mathew Shikongo okwa hokolola ta ti endiki eli oli li tali yandje omadeulo kovanyasha mopaife ngaha.

Shikongo okwa ti ovanyasha ohava longwa omaifano a yooloka ngaashi okuxwikila nokulonga noipilangi opo va dule okuninga oipundi noitaafula, ounamapya nosho yo ounafalama. “Endiki eli otali kwafele ovanyasha unene shaashi otali deula ovanyasha opo va mone ounongo vo va shiive okweeta po oilonga yavo vene nokupa yoo vakwao oilonga ava ve li momhumbwe,” Shikongo ta ti.

Endiki eli ola yambididwa noshimaliwa komahangano ngaashi Letshego, Hands Global Social Enterprises, la dja koBotswana.

Shikongo okwa ti elalakano lendiki eli okuyandja ounongo kovanyasha va dule okulilongela vo vene nosho yo oku ka konga oilonga moshilongo. Onghee okwa ti ou omukalo muwa wokushakeneka epangelo ondjilakati mokukondjifa omukundu wokuyena oilonga moshilongo.

Endjiki eli oli na ovalongi ve li vaheyali tava longo nokuyandja omadeulo kovanyasha opo va kale va pyokoka oku k aninga ovanashilonga vomongula.

“Ohandi tu ovanyasha omukumo opo ve litule mo moilongwa yavo opo va shiive okumona ounongo wa wana tau va kwafele komongula,” Shikongo ta ti.