New Era Newspaper

rmb2
Icon Collap
...
Home / Ovati no vakuru ku kwe keri kwamba Kahikopo opuveri

Ovati no vakuru ku kwe keri kwamba Kahikopo opuveri

2021-01-15  Kae Matundu-Tjiparuro

Ovati no vakuru ku kwe keri kwamba Kahikopo opuveri
Top of a Page

Otjomuise-“Mbarimua¿i” omunane umwe omunene wombazu wapura nao tjazire no ku zuva ombuze ohanduze yo nÿiro yombara ya Tjizingue, Ombara Gotlieb Kahikopo.

Ombara Kahikopo waÞire Oritjavari mo namiti ya Kahandja. Omayuva ngatire yari omutongo na yevari (12) ku Rozondu, ngeri mo ma kuruhungi wOtjiÞiro Otjindjandja tjOvaherero, Ovambanderu nOvakuena, eyuva ombara Otjitambi yOvaherero, Samuel Katjiikumbua Maharero, omunionvita  rutenga kuno vakwena nu koruseinina kuno Vandoitji, ndiri eyuva eye ndahanga ovita kuno Vandoitji mo 1904. 
Mbyee kutjiukwa ndinondi mo ma kuruhungi wOtjitiro Otjindjandja otjondjembo ya Kahandja. Oyo ngari omaumbiro wOvandoitji iyo Vaherero nOvambanderu omatenga mo 1904.

Munao omuyaruke Ombara Kahikopo otja virikizire meyuva enene tjinene. Kaporue nu ngwari wina eye wai mo ma utiro wo mbura omaÞupa eye omunu ngwe keyeyeta okuza kehi rOvanoitji puno vakwao, Ovaherero, Ovambanderu nOvakuena mu Seninani mo 2011 okuza ko Berlina tjehi rOvandoitji tji ma yetjiti ozombura omurongo  apehe imbo puyeri kutja ku ndinondi nai hapo tjii naindo ozondekurona zo maÞupa inga maze yetjiwa kutja hapo ku ndinondi otjo tjiri omuyeri o Namibia imbo puyeri? 

Epuriro ro mu nane ingwi ngwatemwa kutja tjii hapo nambano uri mwani mutu kapuriro onguruzu uriri ndihino muheo nu ngwari mari pura ko kure. Nu mapurire ko ku tjiwa kutja omuyaruke Ombara Kahikopo wari une mOuherero nOumbanderu na mo  ngonjdero yotjisuta tjo Tjitiro Otjindjandja eye ma yatakana ozondambo peke peke ozongoto azu munda ayaruka munda okuza moukoto wehi mo Namibia nganduu kehi rOvandoitji. 

Tjingetjo kapuriro ndi ma ri pura omunane ingwi kourike we nungwari Ouherero nOumbanderu auhe eye tjinga aari emunine rondjerera, omunane ondoka ngu ma mwina ayo keri po tji tjitwa poo mbi ma vihungirwa kena kuvizuva nu ngwari arire eye ngu ma womborora ombongarero tji pa parama. 

Tjigetjo otjiwa¿a tja Tjizingue otji ma tji hee kutja “mbirimuani”. 
Nu hapo tjii hapo omuyaruke Ombara Kahikopo nambano ka ri rire umwe wo vati no vakuru Ovaherero no Vambanderu kuvekwa? Nu munao kakutja wina omunane ngu ma pura kutja nambano uri mwani, eye ngunda uri movaÞi no va kuru mbekara punaye no mi hoko vyo Vaherero no Vambanderu? 


2021-01-15  Kae Matundu-Tjiparuro

Share on social media
Bottom of a page