New Era Newspaper

New Era Epaper
Icon Collap
...
Home / Ozombakero zo Covid-19 gamba ongendo ko mbazu

Ozombakero zo Covid-19 gamba ongendo ko mbazu

2021-01-29  Kae Matundu-Tjiparuro

Ozombakero zo Covid-19 gamba ongendo ko mbazu

Otjomuise-  Ombara yOvambanderu, Munjuku III Nguvauva, iumwe  wo va nane ovatenga ombura indji oku zuvarekisa eraka re ohunga no zo mbakero zo Covid-19 nÿe tomba ozombakero zo mbazu.

Ongendo indji Ombara Munjuku III wa tji rirwe ame i raisa erero muhuko munene mu Keetute no ndando yo ku vasisa ongendo ye indji kovanane ovakwao vombazu mo Maheke kutja ve kare neraka rimwe no nguta imwe tjapo harukuru ndji maa vevasisa ko u honapare. Tjingetjo kuye kweri kwambere Ombara Otjitambi yOvaherero, Ohahende Vekuii Rukoro, ngwatjere Ouhonapare wOmbazu wOvaherero, nai ukara autara mo zo veta peke peke ohunga no tjina ihi kutja tji ma vaza ko u honapare wehi auha kayenda maketjo nu ngwari no nguta yomasa. Nu wina airaisa ohepero yo vanane okuvaza ko vanane vo horomende otjo rongo. 

Ombara Turimuro Hoveka wOuhonapare wOmbazu wa Hoveka, mu Senina¿I ndjazuko, wina otjari aa raisa  ongendo no ndando tjingeyo. Muvyarwe ovingi eye mbyaa tja mevi sekamene ohunga no Covid-19 mundu auhe ngwaÞu iyo mutjise imbwi poo mbwa tjama kuwo, oku hino’ ku kasuvisiwa kaziriire. Pendje na indu orutu tji rwa nyosiwa, otjo tjiri tjitjiri otjina otjipe nu otji heimukuru mOmbazu yOvambanderu nOvaherero. Ovihei mukuru vyo Covid-19, ombya tjitire kutja ondangere yomuhoko, Kainikova Kaizemi, ombura ndjazuko ma pewe ombakero ohimise  mo Tjomuise ndji hasere okupewa omurumendu wo nÿengu ye mo tjiwa¿a tjo Vaherero nOvambanderu.

Mena ro ngurunguse indji, Ombara Hoveka, otja raerere Keetute kutja ongaro ndji ma itombo ombazu yo muhoko na tja mei hungire kuno’ zombara ozongwao kutja veisekamene otjomundu umwe nu vehungame omauhonapare ngu ma veso oku hungama. Wina ombura ndjazuko Ombara Munjuku III,  no tjiwa¿a tje ombari mo mi hoko omitenga oku ya kura no mi tima omi paturuke no mi pupurikwe ondiero yo tjiuri tjehi oku tandavarisa omapatero wo ma nyinga nyingiro mehi arihe mena Corona.  Munao wina eye opu ma tjere tjeno’ uzeu no zo mbakero zo Covid-19 no mwano mbu ze tomba ombazu, okutja uno uzeu no ma zeva wo horomende wo ndjeverero no ndjururiro wo Covid-19. Katjiperi, Ombara Munjuku III ma yazau nao.
 


2021-01-29  Kae Matundu-Tjiparuro

Share on social media