Otjomuise- Ozondekurona zOtjiÞiro Otjindjandja mo Tjauana, nai zeno ngondjero yo ku tuvatuvisa ohoromende yehi  rOvandoitji  nop ku twako oninikizira okuza munda imbo wao mehindo mo tjina tjo Tjitiro Otjindjandja, Ondjesiro nOtjisuta.

Ozondekurona inÿa omukambo imbwi kutja wina eraka razo mo ngondjero Yo tjisuta wina rizuvakwe kuro oruni za hongwa iyokutja ngunda owo wina averi orupa okuura ro TjiÞiro Otjindjandja otjo rutanga rwaimba mba huka ondjembo yo 1904-1904 na ve taurire kehi ra Tjauana, otutanga otwingi two Vambanderu nOvaherero mo Tjauana tuturiko nai ku twa ka kwaterwa, ongondjero pokati kohoromende ya Namibia nEhi rOvandoitji ohunga no zo ndekurona mo Namibia uriri kaina otjina no zo ndekurona mo Tjauana na South Africa.

Munao ozondekurona mo ma hi ayeevari inga, kutja aze ha paterwa pendje mu kangamwa onduvasaneno, nandarire kutja ozo nai ozombura azehe inda ve kayenda pamwe mo ngondjero iimwe puno'  vakwao va Namibia, ovo vatia kutja kanaa ve ka rara kehi yovivava vio vakwao va Namibia uriri nungwari wina eraka rao raso oku zuvakwa peke kuro oruni kutja ouye, nu tjinene nene Ehi rOvandoitji, ritjiwe kutja owo wina mo mahi ayeevaringa oku veri  tjingee ovakwao va Namibia nu mo Namibia. 

Munao Oritjatano ndazuko oruhindo ro zo ndekurona inÿa  otji rwa hakayenene  no Ministera yehi ra Tjauana yOvitjitwqa Viopendje yEhi, Lemogang Kwape. Oyo ye ve puratenene no ma twi ayeevari na ivepe ondunge yo kutja ongendo yawo ve keitwe mo ru tuu owo mu maveso wina oku raisa kutja atja vezera kutjia ohoromende yao ivevateravi nu itjite tjike otjo kuvepa oruvara mo ngondjero yavo. 

Ngwari mo tjiÞo tjingetjo, Unity Dow, ombura ndjazuko waraisa kutja Otjauana katjina kuri runga  mOtjiÞiro Otjindjandja tja Namibia nEhi rOvandoitji, tjinga aeri otjina pokati komahi yevari inga.