Otjomuise- Avihe vi ri kekwamo na korupate ko mbongarero ohonge vyo tutumbo no vi kunwa yo va kazendu va Komumbonde tja Pukiro tji yeri 21 na 22 ko mweze imbwi, Kambundu.

Ma pe munika ayo oruroto ro zo serakaze inÿa nambano maru yende ama ru rire owatjiri tjinga ombaanga indji yo Tutumbo nOvikunwa oruuro rwazo aye ruzuva nu munao otji ma izetwarere omahongero. Indwi oruroto ndwa kara ape ombura okuza ku Tengarindi wo mbura ndjazuko, ozo serekaze inÿa kehi yoruto rwazo rorwi indwi Otjirondero, tji ze riyaruka ourekoto na ze tja ouye oupe ka u zara oukuru nu oruveze rwa nambano rwa rira oro zo serekaze oku rivereka ozeni. 

Ozo opu zasekamena na ze pamisa epango razo oveni ro zo serekaze kehi yOtjirondero oku tara kutja mo me rikarekero mo mbwiko na mo mekurisiro ma ze hungama pi. Posia azetie kutja ka kuna kwarwe ku ma ze hungama ma ve utire mo Nÿu ya Mukundua, kutja embo riurisiwe  ndi ma ritja otjari tjiutira po nganda. Azehe kumwe nai ozo serekaze ape o 50 aze ri nyaningiza okuutira po N$50 mu aihe kutja vesembamise oka mbiwko kawo. Nganda aka rira ku ndinondi o N$400 mo mweze. Kakutja ndjandje nao kombundo' mbura za hara oka nguta  okuhino' kutja maa ze kativiza kongotwe poo oku yaruka ombunda. Kutja omahongero ye sembame otja tji ya sembama nai.  

Pu ma pe hee kutja tjiri ozoserekaze za Komumbonde imba pu za yeta imba ma ze hepa oruvara rwa katjo tjiri. Munao otji ma ze kuu kovature avehe va Komumbonde puveri ve yenene okuvaza oku twara oruvara no hauzeu.