Aantu yena uulema ye li yatano oya ningi aanelago sho ya tothwa mo kelelo lyondoolopa lyaHelao Nafidi noku pewa uutemba mboka wali wa pewa elelo onga omagano
gaakalimo.

Elelo lyondoolopa okwa li lya pewa uutemba kehangano ha li kwathele aanulema moshilongo ashihe lyoRani Traders opo lyi vule okugandja kwaa mboka ye li lela mo mpumbwe.

Aantu mboka ya pewa uutemba oshiwike sha ziko okwa li ya holola enyanyu noya pandula eyambidhindo ndjoka.

Taya ti, uutemba owe ya kwatha nonkndo notaya kala taya iinyenge nawa nota ya ka gwanitha po iilonga yawo yesiku kehe nuupu.  

Mayola gwelelo lyondoolopa yaHelao Nafadi Darius Shaalukeni okwa a pandula ehangano lyoRani Traders ndyoka sho lya dhimbulukwa ondolopa ye.

“Shika otashi ka kwathela poompito odhindji aantu mbaka ya li mompumbwe, no she ya pe natango omukumo kutya oye niwe nayo koshigwana,” ta popi ngaaka.

Ta ti, okwa li ya totha mo ashike aantu yatano mboka ye li lela mompumwe, oshoka uutemba nawo okwa li ashike uutano.

– vkaapanda@nepc.com.na