Otjikaka tji ma tji yenda ama tji honapara nu tjinene mo mweze imbwi Ngarano mburi umwe womieze ombepera mwii honapara, kanaa tja tjayerere Ovaherero nOvambanderu Oritjaine ndazuko.
Ow ova woronganene metuwo ro vi tjitwa ro Komando Oitjavari (2) yOtjiserandu mOtjomuise oku zemuruka ozombura hambondatu zo ndiro yOmbara Ojitambi yOvaherero, omuyaruke Kuaima Riruako. Eye ngwaÞa tjiyari yevari (2) komweze outja hamboumwe (6) , imbwi Ngarano mo 2014.
Omazemburukiro inga ya sembamisirwe iyo National Unity Democratic organisation (Nudo), omuyaruke Riruako ngwari operesidenda yayo oruveze orure okuza ku tjarira otjiuru tjo muhoko mo 1978 nganduu tjji mee kwipitisa mo Democratic Turnhalle Alliance (DTA), ndino o Popular Democratic Movement (PDM), nganduu tji ma tum o 2014.
Pomazemburukiro inga ngari no Mutjangerepo Omunene wo Nudo, Josef Kauandenge, otjo mu tumbure wawo pari novito peke peke tjimun ovanane vombazu, voporotika novo tjiÞiro otjindjandja. Muwo mu mwari Karukee Kauari umwe wo vanane vOvaherero mo Mongua kehi yOuhonapare wOmbazu wOvaherero nu wina omunane omunene merapi rOtjiserandu. Ngwaraisire kutja eye uri kongotwe yOmbara Vipuira Kapuuo, Omuhaamise wOtjirata tjOzombara nu wina Omutize wOtjihaverero tjOmbara Otjitambi tjinga Kapuuo aeri omundu ngu vayende pamwe ozombura okuza kourengowona wawo mo Tjomuise nganduu tjivarire ovanane mo tjiwana.
Movanane vombazu pari Kapuuo no Mbara Otjitambi yOvambanderu, Aletha Karikondua Ngunvauva.
Tja hungirirepo Okomiti yOvaherero nOvambanderu yOtjiÞiro Otjindjandja, Omuhaamise wayo Mbakumua Hengari, watjere epu rOtjiÞiro Otjindjandja omuyaruke Riruako we tjiuta rukuru tja kamburire omikova vio mu Ndoitji oku kemurandisira posia Omundoitji ehe mupe ya otjimariva ku viaranda. Omondoitji tje mu nanena ko tjombanguriro araere omupangure kutja Ovandoitji vakambura owini wOvaherero mbu nyinganyinga na mbu ha nyinga nyinga rukuru nu ngamba mbu hiya kotoka. Okutja munao kenee mu kererisire po tji mariva tjo mikova vio zo ngombe kaparukaze.
Otjiposa atjiyanderembo. Hengari wa tjere otja tjazuva mo rata Uapakua Ketjiperue oruveze indo ngwaa ungura po mu Ndoitji ingo puna Riruako.