New Era Newspaper

New Era Epaper
Icon Collap
...
Home / Rutjeno rwahana asi paveta komarukanda vatunga vahepwe

Rutjeno rwahana asi paveta komarukanda vatunga vahepwe

2022-06-09  Staff Reporter

Rutjeno rwahana asi paveta komarukanda vatunga vahepwe
Top of a Page

Varugani Venduka 

 

Masere govantu vatunga korukanda simpe kuna kutwikira kutura rutjeno pwahana asi paveta ntani kuruganesa marutjeno gokutjilisa awo kugaruganesa konoramba , kukangura ntani konoeiskas dawo.

Mutungimo gumwe morukanda rwaHavana ogu kahundilire asi twahamutumbura kedina katente asi eyi kuna kuyiretesapo morwa sinzi sovantu kuna hara vagwane rutjeno. 

Apa nye katukere tatugendi momarukanda ngwendi Havana, Ombili ntani Okahandja Park moutano, mugavi mbudi kamwene vantu omu vanakutura rutjeno runa gumu mvhura kazirokere mutatu nomuune. 

Rutjeno oru kwarusimina mevhu ano rumwe kwakara tupu pevhu lyangoso yina kara asi udona una karapo opo unene siruwo nye esi zina kuroka mvhura nevhu alyo lina woro. 

Ogu ana kara asi gayidiva udona wokutura marutjeno ogo, gonomvhura 21 mutungimo morukanda rwaHavana age kuna kuhundira asi ava ava kava rutjeno vahepa kurureta korukanda oru. 

Mumati gona ogu nage kanyokere kutumbura Edina lyendi kasikeme monzira vana kutumbura asi Zambia ogu ana kuwapayika rutjeno oru karugwire kumwe nokudimisa ramba moune ngurova. 

Mokumupurako nye asi kapi yina kara siponga mokutura rutjeno, age kalimbwilire asi kuvhura rukuvete. 

Amen are rwagusa kuvetange nye yinke nani vhura kurugana? Eparu kuna kutusininika turugane yininke yangoso tugwane rutjeno. 

Age katente asi aw okapi vavaturamo melikwamo lyokugwana rutjeno vatulisapo wondango zositata makura yiyo yina kuvaninkisa vavakenye rutjeno nsene asi ono kara namukwenii mosinano sokusika ko 500 m ure nembo lyoge. 

Simpe age katente asi kufuta yimaliva yina siki ko N$1000 mokwedi morwa kuwiza kumwe nosiruwo, morwa aw okapi tavaruganesa esuga ntani kukangura. 

Ose kuruganesako mokugwana noramba membo, ntani noeiskas ntani TV. Ose kutereka korutjeno rogasie, yimo ana kuhuyunga mudinkantu ogu. Ose kuna hara mema gomawa ntani yikasayise monoplots detu. 

Kapisi ure nendi, gonomvhura 48 mugara kurona kuna kukonakona asi tayirugana ndi ngapi. Udigu unene nye nsene asi wayidiva kuyiruganesa, kuvhura nye yipire kukuhorokera nkenye eyi. 

Ogun age ana kuliza novakwawo, Fredirick Gamibeb. Asi rutjeno oru kwarugwanekedesa popanzi nye nsene kapi yina wapa kukoka marutjeno nagenye. 

Gamibeb kuna kundindira asi vagwane nonzira ntani rutjeno morwa vantu ngesi vana horowora. Mukurona govaporosi wositata saVenduka Abraham Kanime katente asi etengeko lyakarapo nsene muntu vana kugwana asi kwagusa rutjeno pwahana asi paveta, yimaliva yokusika ko N$2000. 

Kanime katente asi nsene rutjeno vanarutura neyi ava dingipo, kapisi hepero odingununepo morwa nsene pana zimema kuvhura nye rukuvete. 

Nsene asi rutjeno runa zi mema hawe waha danenapo siponga unene yimo ana kutanta ngoso Kanime.


2022-06-09  Staff Reporter

Share on social media
Bottom of a page