New Era Newspaper

New Era Epaper
Icon Collap
...
Home / Shack dwellers kavavapandwire mokudika mambo

Shack dwellers kavavapandwire mokudika mambo

2022-06-23  Eveline de Klerk

Shack dwellers kavavapandwire mokudika mambo

WalvisBay ministeragona gonodoropa nekuliko nomukunda doponze Natalia /Goagoses kahundilire vahamenimo novakwatesiko monokampani dopaumwene yipo asi nawo vawizemo yipo vavatere epangero yipo asi natuvenye tuhuyunge eraka limwe mokugusapo udigu womambo. / Goagoses katulirepo ehundiro eli momapeu moWalvis Bay posiruwo oso age kuna kuvatera wombunga zoShack dwellers  Federation of Namibia omu vana kuvahundira vatware komeho sirugana sawo kevango ext 11 modoropa eli vana hara valiwapukurure vadikepo mambpo gokusika ko 215 govahamenimo vawo. ‘’

Epangero kupitira moyimaliwa eyi avagwana yombatero kwavapa N$ 91 yonomiliyuna omu navadika mambo gokusika ko 3 090, sirongo nasinye. Mekwatesoko lyonombanga ngwendi Standard bank, First National Bank, Ohorogo Cement, pupkewitz Foundation, Baard Group ntani Neo Paint, nadimwe ngoso, yimo ana kutanta. ‘’ Nampili ngoso, ose kuna kuhundira nombunga dimwe adirugana noyimaliwa diwizemo ngwendi Bank Windhoek, Nedbank ntani Development Bank of Namibia nado dimwe nadivhura kuwizamo vavatere vantu vetu yipo asi nonzodi dawo ngadi ze ezuva limwe mosirugana. 

Age kagwedereko mbunga zimwe ngwedi SFDN vahepa kudivatera momunene morwa awo kuna kuvatera unene ava ava gwana yiwizamo yoyisesu omu vatura asi nzodi zokugwana embo zahepa kukara zousili. Mokukwama mwendi, epangero kuna kudidilika momunene magano aga asi vantu kwato mombo morwa ngesi nombunga dahepa kuwizamo yipo asi vantu vetu vahahepa hena unene mokugwana embo eli nye nalikara asi lyamwene. 

‘’Epangero kupitira monombunga edi dina kuvatera vantu vetu vagwane mambo gavene aga gana kara hena asi mbili unene omu vantu vetu navavhura kugafutira. 

Ministeli kupitira mwaMinistera gwawo Erastus Uutoni nage gumwe kapandwire nombunga edi dina kuvatera unene mokugava mambo sirongo nasinye. 

Uutoni katente asi mbunga ezi ngesi kuna kara zokuhova mokugava mambo aga navakadika unene kovantu woowo vana kara asi kugwana yiwizamo yoyisesu.  

Age kahuyungire nonkango odo poopo kakageve mambo 32 aga zadika mbunga zo SDFN moSwakopmund moutano una puko. 

Mbunga ezi zoShack Dwellers Federation kuna kara asi mbunga zina kugusapo udigu womambo, makura ngesi twahepa natuvenye kuzikwatesako yipo vadike mambo govantu unene wokugwana yiwizamo yoyisesu. Eyi kuna kuyimonenena poruzera asi mambo ngesi kuna kugadika, ano ministeli kuna kugava ekwatesoko nalinye omu navatwikira vadike mambo aga.’’ Yimo ana kutanta. –edeklerk@nepc.com.na


2022-06-23  Eveline de Klerk

Share on social media