New Era Newspaper

New Era Epaper
Icon Collap
...
Home / Shangula: “Etokolo lyomondjila okutuntilwa ashike”

Shangula: “Etokolo lyomondjila okutuntilwa ashike”

2021-12-08  Victoria Kaapanda

Shangula: “Etokolo lyomondjila okutuntilwa ashike”

Uuministeli wuuhaku nonkalo nawa owalopota omukithi gwoCovid-19 guuka pombanda unene nomwaalu tadhi londatha kehesiku, oshilongo ashihe. 

Minista guuhaku nonkalo nawa Kalumbi Shangula okwati,  aantu ye vule 150 ngaashingeyi oya kwatwa koCovid-19 oshilongo ashihe, ihe oyendji yo muyo inaya tuntilwa.

Shangula otatsikile okukumagidha  oshigwana shi tuntilwe, okushonopaleka omukithi ngoka.

“Oshigwana nashi itulemo mokutuntilwa, okugamena omalutu gawo gaa kwatwe nenege ya jshonopaleke ompito yomukithi ngoka,” Shangula ta kumagidha.

Ta ti, iipotha oyali ya lopotwa tayi indjipala, oshoka oshigwana oshakala kaashi nakonasha noompango dha tulwapo  nokudhisimaneka.

Tagwedhapo ta ti pethimbo ndika omukithi otagu endelele ihe oguna okushunithwa pevi kokutintilwa ashike.

“Itandi hulitha okukumagidha oshigwana shi katuntilwe omolwa ohole ndina, inehala okushi kanitha, omanga pena shoka tashi vulu okuyambindhindha nenge okugu indika.

Shangula ta ti, omvo nguka Namibia okwa kanitha aantu yeli 3 574, omolwa omukithi gwoCovid-19, noyendji oyali ya faalelwa kekuthikuthi lya ziko.

“Omaso golundhi ndyoka itaga pitikwa, oshigwana nashi ka tuntilwe. Hulithipo okupopya nayi kombinga yomiti, etamu landula shoka shili mondjila,” ta kumagidha oshigwana.

Minista okwati, ekuthikuthi ndyoka ngaashingeyi tali lopotwa lyathiki moNamibia, olya faalele oomwenyo dho yendji inaaya tuntilwa kiilongo yimwe.

“Omukithi ngoka gOmicron otagu lopotwa guli pombanda unene moshitopolwa shaKhomas, moka natango tamu lopotwa iipotha oyindji yomukithi govid-19 go yene,” Minista ta ti.

Ta ti, sigo ompaka inaku monika epango lyomukithi ngoka, ka kele kokugukeelela nomiti dhoka.

Ta popi ta ti, oshigwana nashi tsikile okugwanitha po oompango oshoka omukithi ngoka ohagu lunduluka ethimbo kehe. 

Ta kumagitha oshigwana shi tsikile okuzala uumasika, okwiiyoga koonyala oshowo okupititha po ehala po kati komuntu nomuntu, ngaashi nana sha kala tashi ningwa sigo omukithi ngoka gwa lota.

– vkaapanda@nepc.com.na 


2021-12-08  Victoria Kaapanda

Share on social media