New Era Newspaper

New Era Epaper
Icon Collap
...
Home / Sintolo sa Ackermans satuka mwa Katima

Sintolo sa Ackermans satuka mwa Katima

2021-07-26  Staff Reporter

Sintolo sa Ackermans satuka mwa Katima

Marythar Kambinda

 

KATIMA MULILO – Likweli zesikai kasamulaho muyaho walintolo waShoprite notukile, sintolo sa Ackermans mwa Katima Mulilo nesitukile viki yefelile, nikutisa sinyehelo yelikani. 

Sintolo sesi lekisa litino sifumaneha kwamuyaho wakale wasintolo sa Pep, mi sina nibabeleki balobapeli.

Muzamaisi wasintolo mwa Katima Mulilo, Salom Nghitotelwa yene ili yena wapili kuyofita kwateñi, naize nailo lemuha musi kasamulaho akukwalula munyako, kiha lizeza yomuhulu wahae yana muelelize kushoka sintolo, mi alemuha libyana zeneli fafasi kiha lizeza batimisi bamulilo.

Nghitotelwa nabulezi hape kuli “mokubulukwa libyana nekuiketile, ofesi iiketile ni sintolo cwalo. Kubonahala kuli mulilo nokalezi kokubulukwa liapalo zabasali.”

Muzamaisi wakatengo katolopo Raphael Liswaniso, naize batimisi bamulilo bakatengo neba alabezi kabunako. 

“Neluilo fumana kuli mulilo nokalezi kwaminshini yetisa moya obata. Munshini notubehile, kono mulilo noli feela kwalineku liliñwi. Sinyeho hakiyetuna hahulu, muyaho kaufela uiketile. Muyaho kaufela noka tuka kambe nelusika alabela kabunako,” nekubulezi Liswaniso. 

Hakuna sinyeho yene bile teñi kwalintolo zeñwi kungelela cwalo ni Pep, Style, Dunns ni lintolo zeñwi zefumaneha mwamuyaho oswana.


2021-07-26  Staff Reporter

Share on social media