New Era Newspaper

New Era Epaper
Icon Collap
...
Home / Sioka: Elongo lyopetameko olya simana

Sioka: Elongo lyopetameko olya simana

2022-01-31  Victoria Kaapanda

Sioka: Elongo lyopetameko olya simana

Victoria Kaapanda

Minista guukashikekookantu, ekandulepo lyoluhepo oshowo onkalonawa Doreen Sioka okwa ti elongo lyopetameko lyaanona olya simana.

Ta ti, shoka osha eta epangelo opo lyi ye po nooprogalama dhokuhumithitha komeho oosikola dhopetameko.

Minista okwa popi ngaaka momushangwa, esiku osikola yoshikunino tayi ithanwa Omukumo momukunda Okaku momudhingiloko gwOutapi, ya li ya patululwa pambelewa oshiwike sha zi ko.

Ta popi ta ti, osikola ndjoka otayi kala osenda onene yookinda moshitopowa shOutapi, hoka aalongi taya kala ya manguluka okuthika okuninga iinyangandhalwa ya yooloka nenge yayaka tale ka tale ko shoka ya pumbwa.

Sioka okwa ti, moshitopolwa shaMusati oosenda dhi li ne, mwa kwatelwa ndjoka ya patululwa pambelewa odha tungwa kongushu yoshimaliwa  oomilliona N$70.

“Oosikola ndhika okwa li dha yambidhidhwa okupitila moyuniona yehumo komeho lyaEurope,” ta fatulula ngaaka.

Ta ti oosenda ndhoka dhi li miikandjohogololo ya yooloka, omwa kwatelwa natongo mbali ndhoka dha li dha humithwa komeho, noshimaliwa shoka.

Oosenda ndhoka odha tungilwa omala gokulongelwa, omala gokupungulilwa, okombitha, uundjugo oshowo uutemba womeya.

“Uunona wopaife owu na omadhilaadhilo haga endelele wo ohau uvu ko mbala, onkene owu na okukala wa mona elongo omanga uushona opo wu vule oku uva ko oshowo okulongekidha onakuyiwa yawo,” ta ti ngaaka.

Ta gwedha po ta ti, osikola ndjoka oya hogololwa okuningwa osenda onene koonkwawo, omolwethimbo ya kala tayi gandja omalongo gopetameko.”

Osikola ndjoka okwa li ya totwa po mo1991, sigo onena otayi gandja elongo lyopetameka.

“Onakuyiwa yokanona ohayi kala ya wapala uuna okanona ka longekidhwa nawa oshowo ka longwa nawa okuza pondondo yoshikunino,” ta fatulula ngaaka.

Omukumo ogu na aalongi yatatu, ihe gumwe ashike ha mono ondjambi okuza kepangelo. 

Nuumvo oya taamba aalongwa ye li 69, uunona wuukiintu wu li 33 omanga wulumentu 36.

Minista okwa ti, uuministeli wawo otau tsikile okuyambidhidha nomakwatho taga pumbiwa posikola mpoka oshowo koosenda ndhimwe tadhi gandja elongo lyopetameko.

“Otandi pandula natango aavali mboka ya kambadhala okuyambidhidha osikola ndjika,” ta pandula ngaaka.

Oosenda dhosikola yopetameko ndhoka dha li dha tungwa meyambidhidho noshimaliwa shoka odho Oshindete, Okashaka, Lyyli  Baby omanga ndhoka dha li dha yambidhidhwa okuhumakomeho Omagano oshowo Ongulumbashe.

– vkaapanda@nepc.com.na   


2022-01-31  Victoria Kaapanda

Share on social media