New Era Newspaper

New Era Epaper
Icon Collap
...
Home / Sisole sibatisisa mulilo kwasipatela

Sisole sibatisisa mulilo kwasipatela

2021-06-21  Albertina Nakale

Sisole sibatisisa mulilo kwasipatela
Top of a Page

Liluko la sisole libulela kuli lipatisiso lizwelapili kubatisisa sene sitisize mulilo niteko yazene sinyizwe kimulilo one utukisize sipatela sa kampe ya sipokola mwa Suiderhof Lasunda.

 Zeo neli bulezwi kisibuabui swalelele waliluko, Tangeni Shikomba. Naize mulilo nokalile ka 13h00 mi mupokola yanali famusebezi nalemusize zamusi one uzwelela kwasituwa, mi batimisi bamulilo nebakupilwe kuto utima. 

Batimisi batolopo yaWindoko ni bakwamukunda neba alabezi kaputako, kono Shikomba hayo fita nalemuhile kuli libyana zeneli mwahali neli yakezi ni kuciswa kimulilo. 

“Kalabelo yaputako yabatimisi bamulilo nesilelelize mulilo kuyandulukela kwamiyaho yeñwi,”nabulezi. 

Shikomba natalusize kuli mulilo nosiile lipazulelo, libulukelo la libyana, muyaho obona zalisebelezo zaputako ni mawodi amane anana ni mimbeta yemashumi amabeli kayesilezi lisakonwi kusebeliswa, naize taba yeo iekeza kwacokwe lipatela likulekile hala twaniso yabutuku bwaCovid-19. 

Nabihile kuli limbayambaya zeñwi zene pakiñilwe kwatuko neli ñwaluzwi hane lizwisiwa kabubebe kuli bukeleza kwamalimi amulilo. 

“Mulilo nokonilwe kutimiswa haitoeza 15h00, kono baalabeli nebasiyezi fasibaka sakezahalelo kutalimela mayemo. Nekusina bakuli kanako mulilo hauzuha, mi hakuna likozi zene bihilwe,”nabulezi.


2021-06-21  Albertina Nakale

Share on social media
Bottom of a page