WALVISBAY - Vakansela wondango zaSwakopmund kuna kara vana gava mavango konokampani dokusika ko 8 vawapukurure evango lyokutunga vantu eli lina siki ko 1 300 modoropa.
Egano kuna karerepo asi ngano vagwane egano lyokugenderera vawapukurure evhu lyokutunga vantu eli nalikara asi lyombiliha kovatungimo.
Awo kuna kuruganena kumwe nonokampani edi dakarerapo kuwapukurura evhu vahepa kutura asi evhu eli lina wapa makura vatungepo mambo gokusika ko 513 vagagave kovakansela.
Nguuru gomukunda Erongo Neville Andre posiruwo sokugava evhu eli moutano kageve yimwe yomulyo eyi yina kara mokulipakerera kumwe nonombunga dopaumwene morwa nawo vamwe vana kurugana unene mokukulika sirongo setu, unene mokuwiza melikwamo eli lyokudinga mambo.
Kuna kureta nawa nawa uzera asi projeka ezi kapi zina tamba woowo vana hara mambo velike, nye kuna kukagava hena yirugana kovantu vetu, yimo ana kufaturura Andre.
Age simpe katente asi eyi nayigwedako mokuwapukurura ekuliko lyoekonomi momukunda ntani mosirongo nasinye.
Ogu kahuyungire nage posilika sina kuna kara mukurona godoroipa zaSwakopmund Louisa Kavita nokutanta asi kuwapukura mavango gokutunga kapi yina kutanta asi mambo gelike, nonzira, ntani mavango gamwe gokuruganesa ntani egano nye lyokuwapukurura owo vatiunga pevango olyo.
‘’ Momu wa, vatungimo, kapi ava tungu yininke yangesi masiku ntani kapi ayihoroka pwayene.
Eyi kuna kuwizirapo morwa egano eli tuna kara nalyo, ntani egazaro lyetu lyewa. Yipo nye asi ngovakansela, ose tuna lituramo natuvenye mokukulika vagwanenemo uwa vatungimo vet, yimo ngoso ana kutanta.
Kavita katente eyi pokuva evhu eli paveta konokampani dina kukaliwapukurura dina karugana projeka ezi yina kara asi simwe vana rugana vakansela.
Siruwo nye somomvhura 2018, vakasnela vakereko vageve evhu konokampani edi ntantagtu dokulikarera vagusepo udigu ou womambo.
Nokampani edi naditara asi dahepa kurugana vageve mambo aga vana pumwa vatungimo womoSwakopmund.
Apa nye nava mana projeka ezi, sivaro sonopolot dokusika ko 1300 nadikarako omu yina kara asi mavango nye gokusika ko 513 navagagava kondango zodoropa, yimo ngoso ana kutanta.
– edeklerk@nepc.com.na