New Era Newspaper

New Era Epaper
Icon Collap
...
Home / Swakopmund kavaganesereremo mukurona godoropa gomupe

Swakopmund kavaganesereremo mukurona godoropa gomupe

2022-09-22  Eveline de Klerk

Swakopmund kavaganesereremo mukurona godoropa gomupe

Swakopmund - Independent Patriots for Change kansela Dina Numubes kavamuhorowere asi mukurona godoropa gomupe modoropa zaSwakopmund nkera ngurangura. Namubes kazire mevango lyaLouisa Kativa, ogu sinkwa ntani kwedi kwapuko kavamuhorowere akare kansela gomukunda Swakopmund, omo kagakere mahoroworo gokukwateramo. 

Apa nye kahuyungire mosiruwo sokumuganesa, Namubes katente asi age kuna hafa morwa ngesi ana kara asi yige gokuhova mutunggimo modoropa omu ana parapo asi age takasikisamo eyi gatameka nare mukwawo. ‘’ Ngomuntu nakara asi mukurona godoropa gomupe, ame simpe kwakukaza asi nahepa kutura eligwanekero novantu likare lina kwata moyitji, nomokutara asi yinke yina vagumu unene. Ntani ame kuna kukatura nawa nawa asi untu womuntu ukarepo asi twahepa kutulisapo mambo ntani nondja dovantu vetu ‘’ yimo ngoso ana kutanta mukurona godoropa. Kugusako nye eyi, mukurona godoropa simpe katente asi natuira mosirugana evango eli lyakara asi lyovadinguli, vadinkantu mokuvaretera makuliko, nondja ntani epopero lyawo unene modoropa. 

Age kapandwire Kativa kweyi garugana kovatungimo modoropa zaSwakopmund, unene wokorukanda rwaDRC, kevango eli lyakara asi kwatungako vantu wovanzi.’’ Mousili ove ono rugana yininke yoyiwa unene silikukwama omu vahere ndi vagazarere vatungimo. Nye name kapi nakumona udigu mokutwikira moomu ngoyirugana yipo nitware komeho. Ose ngatu tara asi vantu vetu vagwane mambo ntani vagagwane nosiruwo sooso vana gahara.  Age simpe kayimuhafesere omu vakansela vana kuruganena kumwe kugusako omu vakara asi nombunga politika dokulisiga siga vakara. Awo kuna parapo asi vahepa kukarera vantu vawo nokuvapa makuliko. Magano nye gokulipakerera nombunga simpe kuna kurugana kutunda tupu momahoroworo gomo November 2020 gonondango donodoropa. 


2022-09-22  Eveline de Klerk

Share on social media