New Era Newspaper

New Era Epaper
Icon Collap
...
Home / Taya kwata oohi menono

Taya kwata oohi menono

2022-09-08  Victoria Kaapanda

Taya kwata oohi menono

Aantu yamwe momalukanda konooli otaya tula uukolele wawo moshiponga sho taya hadha oohi momanono sho omeya taga pwiinine miishana. Aluhe komatango momadhiya ge li miishana ya yooloka mOshakati, ohamu kala oomeme naanona yomapipi ga yooloka taya kwata oohi.

Maria Silas gomolukanda Oshoopala ngoka a li a adhika takwata oohi Omaandaha komatango, okwa li a lombwele onzonkundaneki ndjika kutya ota kongo uuhupilo niipalutha.

“Ihandi longo, kandi na iiyemo yasha onkene ondi na okukambadhala noompito adhihe tadhi vulu okupa ndje okulya, opo wo ndi pe oshigwana shandje shoka sha kalela ndje,” ta popi ngaaka. Ta ti, omeya kage shi omayamba shili, ihe oohi omo wala dhi li, nonando haye dhi mono nuudhigu.

“Ohandi ya po aluhe komatango, okuza pontano. Ongula ohaku kala kwa talala nohandi ka kambadhala po wo na shilwe shi pe ndje omboloto” ta popi ngaaka. Sho omutoolinkundana a li a tala medhiya lyomeya moka, okuwete omeya omashonashona, nontopo oyindji kooha. Saara Shikulo ngoka kwa li ta kwata oohi medhiya lyi li mOkandjengedi, okwa ti, oha kwata oohi ta ka kukutika ye ta landitha. “Ohandi kwata oohi, ngame tandi ka landitha uuna dha kukuta. Ohandi ningi okapandi N$10, N$20 oshowo N$30,’’ ta ti ngaaka.

Ta popi kutya oha kwata oohi kehe esiku nonando ihadhi kala ooyamba oshoka ohadhi kwatwa nuudhigu. Shikulo okwa ti omutumba ethete, ita vulu okukala a lala, omanga pe na oompito ndhoka tadhi vulu oku eta po iilonga oshowo oshimaliwa nonando kashi shi oshiyamba. ‘’Omanga ihandi lala nondjala, otandi pandula. Otandi galikana ashike nuumvo ku kale omuloka omwaanawa, opo tu vule okukwata oohi dhetu oshowo okulikola shoka hatu mono uuna omvula ya loko,’’ ta popi ngaaka.

Okanona komimvo hetatu hoka ka li nako taka kwata oohi esiku ndyoka oka popi kutya otaka yambidhidha yina okukwata oohi opo ya mone osheelelwa shokongulohi.

“Ngele inatu mona mo sha otatu lala nondjala, oshoka kape na shoka tatu ka lya, sho osho tandi kwathele meme opo ngele gumwe ina mona sha, gumwe ota mono, opo tu ka lye nena,’’ taka fatulula ngaaka. vkaapanda@nepc.com.na


2022-09-08  Victoria Kaapanda

Share on social media