Otjomuise- Ozombara za Tjinene mOuhonapare wOmbazu wOvaherero, nÿetja zaisiwa kehi yomuti mOtjinene, no mwiihamwatima za panÿa kutja oserekaze yo ndangere omuyaruke Kaverukua Kandjii, Trifena Karijandjua Kandjii, ma pakwe pOzombuzovindimba.
™EÞe tu no mwiihamwatima oku kutjivisa kutja otja ko mbazu no ngaro no vi tjitwa vio muhoko wetu, ozombakero zo vakazenduka ze yandjerwa po zo mbindi zetu ozo huze tjimuna Ozombuzovindimba na zarwe,∫ ozo mbara Simeon Murangi, Usiel Kambirongo no rata Nehare Tjikotoke za ziri nao mo rutuu nÿu za hindire ko nganda yo Tjiseu tjiyari 6 komweze imbwi.
Omayuva tjingewo Omutjangerepo wOuhonapare, Mutjinde Katjiua, otja ziririire ko ma ningiriro inga ku Seuakouje Kandjii. ™Meitavere kutja omuyaruke Ombara Otjitambi, Ohahende Vekuii Rukoro, wa ningira Onganda yo Tjiseu oruveze indo omuyaruke Ondangere Kandjii aeno mwinyo, kutja tjazupo ma ka suvisiwe po mbindi ya Zombuzovindimba. Ondangere omuyaruke waitavera na ningire kutja ozoserekaze mbari ze ka suvisiwe po Zombuzovindimba meøe ye.∫
Katjiua morutuu indwi rwe ziriro ku Seuakouje Kandjii komrungu matja Ombara Otjitambi yaitavera keningira ro Ndangere Kandjii. ™Munao, ami otji me yauza neitavere oserekaze omuyaruke Karijandjua Kandjii, yo muyaruke ondangere, ma suvisiwe po mbindi ya Zombuzovindimba mene yo ngungu yo mu yaruke omurumendu we,∫ Katjiua wazirire nao.
Eningira indi reya oruveze tjingero nai tjipeno' mbata mouhonapare imbwi pokati kOmbara Vipuira Kapuuo na Katjiua ohunga no mbakero yomuyaruke Onongo Mburumba Kerina mOkahandja puno zombara. Omaningira wo tjikutu tja Kerina inga Kapuuo nga itaverere kuwo posia Katjiua no komiti ndji ma kuzu oyo pokati koruveze ndji ve hina vaya kurire ama vetja oruveze indo pe suvisiwa ozombara uriri. Nganda otjikutu atjito oku mu suvisa mohange mOtjomuise mOmaturiro inga wa Khomasdala otjiveke ihi.