New Era Newspaper

MTC Shares
Icon Collap
...
Home / Tjitorongo!

Tjitorongo!

2021-09-10  Kae Matundu-Tjiparuro

Tjitorongo!
Top of a Page

Otjomuise- TjiÞorongo! Indi eeraka ozombara peke peke zOvaherero nOvambanderu ndi ma ze hungire kutja vemunike ayo okaruveze okasupi inga mave hungire eraka rimwe, mave sekamene tjimwe nu vakurama pamwe ombomi.

Ozombara inÿa oo Sam Kambazembi wOuhonapare wOmbazu wa Kambazembi kehi yOnguatjindu; Ombara Otjitambi yOvambanderu, Omwara Karikondua Nguvauva, kehi yOtjirata tjOmbazu tjOvambanderu; Turimuro Hoveka wOuhonapare wOmbazu wa Hoveka kehi yonganda ya Tjimana; Vipurira Kapuuo wOuhonapare wOmbazu wOvaherero; Ben Mireti wOuhonapare wOmbazu wa Mireti; Hiangungo Kapia wOuhonapare wOmbazu wa Zeraeua nOuhonapare wOmbazu wOmbandi. 

Otjingi tjo vanane imba erero va tjirirwe mu Keetute okuyauza oupamwe imbwi nu tjinene oku ngunda ama veumbu ouøa uøa mbu ve hana mene kutja pamwe  ve hungame ndji ma vetja ongeyama ndje ve kuramene. Ongeyama indji epu ro TjiÞiro Otjindjandja. Ombara Kambazembi wo mambo we nga yauzwa iyOmbara Otjitambi Nguvauva, ma ve munu kutja nambano mo tjiøa tjo TjiÞiro Otjindjandja, tji tjiri otjao otjo zo ndekurona zaimba wombinÿu ndja tika no minyo mbia pandjara, ohoromende ye ve nambirahi nu ye veyara. Mo kutja owo nai, tji tjiheri otjikando otjitenga oku kondjisa oku hakayena nohoromende no ku riyarikaøa kuyo oku ngunda a ma ihanda epu indi kutja ari ha ngunda ama rii  ko Mbongarero  yo Tjiwaøa, nganduu imbi mbi veno ngendo navio tji via Þunwa, ohoromende nai yaya  hungamisire ro  ko Mbongarero yo Tjiwaøa. 

Oritjavari o Ministera yOvomuzaro Umwe nOvarwe Ovakuru, Frans Kapofi, otji ya twiire epu indi ko tji riro mo ndjuwo indji. Otjo wina tji tja temisire ovira ovingi vio porotika kutja ongwaye ndinondi tjarire Kapofi tjeheri o Ministera Ondenga, Saara Kugoongelwa-Amadhila poo o Minisetra yOngaro Pokati Komahi Nomaunguriro Kumwe, Netumbo Nandi-Ndaitwah, otjo tjina tji tji kara pokati komahi yevari, o Namibia nEhi rOvandoitji. Ozombara inda otja ku Kambazembi za kondjere oku hakayena no Tjiuru tjo kehi tjEhi, Nangolo Mbumba, posia ondero yazo indji aiha itaverwa. Opu ma ze munine kutja ohoromende nambano ye ve nambirahi no ku veyara. 

Posia ngunda aperi nai ma vet ja kavena oku urwa oku kongora omivero vio horomende. Munao otjeri ohepero kuwo oku kurama pamwe otjorongo. Mokutja ngunda onduvasaneno pokati kozo horomende azeembari ngunda kaiya kara mondero na mo mbwiro yawo otjo tji waøa tji tjaÞa. 


2021-09-10  Kae Matundu-Tjiparuro

Share on social media
Bottom of a page