New Era Newspaper

New Era Epaper
Icon Collap
...
Home / ǂÛsâi-aosis ge a ûiǀgau

ǂÛsâi-aosis ge a ûiǀgau

2021-08-10  Paheja Siririka

ǂÛsâi-aosis ge a ûiǀgau

ǂÛsâi-aosis ge a ûiǀgaub di !â, ǁnā-amagan ge ǁnān hîa nē ǂharugub !nâ ra ǂgâ ǂgaona, nî dītsâ in ǁnâu!ā kaisen, nē-i sîsen-i ase ī tama, xawe ǁkhāǁkhāǂuisens ǂgarob hîats ǂgui ǂan-tsî-hō!âsa daob ai ra ǀhaoǀhaobasens ase. 

ǂÛsâi-ao tsî ǁkhāti sâisaǂûn ǁkhoaba ǂanǂuisabeb Christopher Isaaksi, Droombos Exclusive Lodge dib, ge ra ǀawemā, in nē ǂharuguba ra ǂâi!nâǁgui khoena tā ǂauna maris hîan nēpa xu nî kurus ǀguis xa ǂâi, xawe ǁî-ets a ǀnam tsî !gâi!gâibasensa ū!nâ hâ amaga ǁnāsa dī. Sa turab ǁnāpa nî ǀkhais kara, ots !âubasendi ǁama-aon didi ai dīǀoaǀoa ǁkhā tide,” tib ge gere mî. 

Isaaksi ge ǁnān hîa nē ǂharugub !nâ hân tsîna gere ǂgaoǂgao!nâ, in !nāsase ǂâis tsî îxa tsî ǀasa xū-e dītsâsa aimâi. 

“ Sada ge ǂâiǂui-ao tama hâ, ǀgui khoe-I tsîn ge ǀasa xūna dītsâ ǂgao tama hâ. Hanats dana!ās !nâ ǀnai mâ restaurant-e nî saris kara, ots ge nî mû, ǀgui ǀgaub ai a aiǂhomisa ǁkhā ǂûn tsî āxūnats nî ǀhao-ūsa. ǁAma-aon ge nē ǀgauga ra ǀope tsî ǁkhoreb ǀkhara ǂûn diba ūhâ,” tib ge gere mî. 

“Tita ge ǀaes ai sâisa a ǀnamsa, ǁîs ǂûna ǀkhara tsî ǀō-aisa ǁkhoaga ra mā amaga tsî ǁnā-amaga, ofens !nâs tsî stofs ai sâisa ra !nāǂam amaga,” tib ge ǀnommi ǀkha gere ǁgâiǂuisen. 

Isaaksi ge 25 kurin xa !nāsa ǁaeba nē ǂharugub !nâ hâ tsî 15 kuriga United Kingdommi !nâ gere sîsen, nēs xōǀkhāb ge Prince Edwardi tsî noxopa ǀnî !khūnîna gere sâibase. 

ǁÎb ge Namibian Wildlife Resorts tsîna ǂûn tsî āxūn ǂansabese gere sîsenba. ǁHuiǂgaeb !nâb ge ǂâuǀoasa ǁkhāǁkhākhâisa a !khō!oas khao!gâb ge Isaaksa mîǁguiba ū tsî Namibiaba !oa 2016ǁî kurib !nâ ge oahā. 

ǁÎb di ǁgūbas ge ǀasa ǂans tsî ǁkhāsigu, !auga!hūgu !nâb ge ǀhaoǀhaona nēpa !nae!hūb !nâ hā ǁguiri tsî ǀnûgus !hariga ǂûdīs ǂnamipe ūkhâisa. 

“Nēsisa ta ge aibe ǂhunuma restaurant-e ǀhonkhoe-ai tama hâ, xawe !hûǁaresa ǂharugub !nâ Droombos di ǀhonkhoen ǀkha ūhâ. Nē khoen ge kaise ge khoedī tsî !khōǁôa te,” tib ge gere ǁgui!ā. 

ǁÎb ge ai!â gere mî tsî tare-i !aroma-i ǁnāti ī tidesa gere ǁgui!ā ǁhōb ge, !nāsa khoen ǁîn skolǂgâs !nân ge !gâi!gâ tama i o, ǂûsâis !nân a !â ǁkhā ti ra ǂgomsāsa. Tita ge ǁnāsa ra dawa ǂgao. 

Sats ge tarits as ǀkha aibe nî ǂkhî. Nē ǂharugub ge !oabas xa ra !gû tsî khoenats gere ra !oaba, ǁnā-amagats ge dīts ra-i !nâ nî !gâi.


2021-08-10  Paheja Siririka

Share on social media