New Era Newspaper

New Era Epaper
Icon Collap
...
Home / Vagazarerwa kuvaka yimbapira yomakonakono kavavakwete

Vagazarerwa kuvaka yimbapira yomakonakono kavavakwete

2021-11-25  Festus Hamalwa

Vagazarerwa kuvaka yimbapira yomakonakono kavavakwete
Top of a Page

Vaporosi momukunda gwaOshana kavakwete varongwa pevango lya Elite Titoral College moOndangwa moutatu kaupwireko konyima tupu apa kavavagwene asi kuna kara nomapuro gana yuka vakagaruganese momakona kono gosure ntani awo kavakere nomalimbururo gawo. 

Mokukwama vaporosi, varongwa ava vavali kapi kavavapulisilire asi valifutiiremo modorongo konyima tupu apa kava kamonekere mompanguro moOshakati moune una puko omu yina kara asi makona kono simpe kuna kutwikira. Vaporosi kavatente asi awo kuna kukona kona unene varongwa novarongi woposure zina. 

Moutano una puko, varongwa vamwe kavatente kosayitunga zaNew Era asi posure zawo apa nare vagusa kuruganenapo ukorokotji wangoso omu varongwa vamwe ava gwana mapuro nomalimbururo komeho vakatjange makona kona.

Gumwe govarongwa katente asi murongwa mukwawo gumwe kuna kara nomapuro ntani malimbururo gosirongwa esi kavatjenge momandaha. 

Murongwa ogo katente asi nsene vana mana kutjanga makonakono, awo kuliyongako asi ngapi lina kara ekonakono olyo, yipo nye posiruwo oso varongwa vamwe ava tanta asi ureru unene morwa ose katugwene mapuro nomalimbururo komeho zokukatjanga. Kuna kuzuvhika asi varongwa kuranda mapuro nomalimbururo noyimaliwa yina siki koN$600, nampili ngoso, kapi avatutantere asi kwalye ava yigwana nayinye oyo. Ose kuna hara tutjangurure yirongwa nayinye, morwa kapi yina wapa ose vamwe kapi twagwana yimbapira yangoso, nomalimbururo gayo. 

Kapi tayiwapa nam[pili nakauke makura vamwe vapite morwa widi. 

Varongwa owo kavatente asi navenye kwafuta vatjange makona kono moomu vafuta navenye, makura kapi nayiwapa, makura awo kuna kuhundira ministeli zerongo ziwiemo usimbu.

Vamwe varongwa nawo kwagava runyegenyo rwawo nokutanta asi ministeli zerongo zahepa kuretapo mapuro nago peke, yipo yipulisire varongwa ava vayatjange hena. 

Muhuyungilipo ministeli zerongo, Sem Shino, kayinkondopekere eyi nokutanta asi awo vana gwa yitundwamo yosihorokwa sangesi. 

Shino katente asi mukurona sure, vamitili novanona navnye ngesi kuna kara momakona kono omu vana kuvapuragera momunene. 

–fhamalwa@nepc.com .na


2021-11-25  Festus Hamalwa

Share on social media
Bottom of a page