New Era Newspaper

Tafel3
Icon Collap
...
Home / vaNamibia kuna kutaguruka pwahana asi paveta vaze moAngola kuna kusinta yimuna konondja

vaNamibia kuna kutaguruka pwahana asi paveta vaze moAngola kuna kusinta yimuna konondja

2021-04-15  Nuusita Ashipala

vaNamibia kuna kutaguruka pwahana asi paveta vaze moAngola kuna kusinta yimuna konondja
Top of a Page

Vanamibia kuna kuruganesa nye mpito ezi omu zina kara nzara moAngola varute omu vana kukasintisa yimouna yawo nonondja. Yimuna kuna kara ngwendi yikombo =, kuna kuyisintisa usura wanangwasa, nondorowa donomfi, suka ntani magadi gokuterekesa mberera ntani nondja dimwe ngoso.

Mbunga zakarerapo uzuni nondja kazigeve marondoro asi kuna kumoneka asi nakukara udigu wonondja dina kukasesupa ntani nzara zonene nazikara moAngola, morwa sirongo kuna sigumu unene rukukutu mononyuku ne dakapita. Angola, mvhura zamo kuroka unene, posiruwo saMangundu dogoro Kudumogona, yipo nye azigava nawa nawa mema aga aga ninkisa dogoro vakare noukanguki wene ene. Ano ngesi ruteni oru kuna kumu nye yimuna nomayovi govantu vatunga kombindakano zosirongo esi. Ministeragona gweyi yomonda zosirongo Daniel Kashikola katanterere sayitunga zaNew Era asi murudi gopokatji kaAngola naNamibia simpe agwa patera mokurwanesa nye mukisi ogu goCoronavirus. Vantu vahepa kuhageka elikwamo eli lyokuruta pwahana asi paveta. Elikwamo lyawo kapi lina kara paveta morwa murudi simpe agwa patera, yimo ngoso ana kuyinkondopeka age. Mosiruwo sooso, Kashikola katente asi epangero nalitjangesa navenye ava vana dukire mosirongo setu nsene tuna vadimburura, mapangero nagenye gavali novahamenimo moruha oru kuna kukavandindira vakahingire valikunde momunene kuhamena sihorokwa esi. Posiruwo nye esi, kuna kara nonombunga mbali dina wiza mosirongo; owo vawiza vayapapare nondja ntani vava nye vawiza vayapapare yirugana ava vawiza koEtunda  irrigation project owo vana kuya vatera komuzangu ogu. “ Esi kuna kara siruwo sosidigu unene. Awo nare vayasika. Ose nokuvatengwidasi hena, mokutara mukaro ogu vana kara nago’’ yimo ana kutanta. Kashikola, simpe, katente asi kukeverera murudi kuna kara sininke sosidigu unene. Kukeverera murudi simpe kuna kutwikira nye, nsene asi koveli owo natugwana vana kuruta hena hawe tatu vasilike kuwiza moNamibia. Age simpe kayinkondopekere asi Namibia kapi tapulisire vantu vawize mosirongo mokupiyaganeka noveta daAngola, ava vana kara asi nomurudi dawo nado dapata.-nashipala@nepc.com.na


2021-04-15  Nuusita Ashipala

Share on social media
Bottom of a page