Okaana keedula nanho nakakwao keedula omuwoyi nosho yo ovakainhu vavali ova longelwa ominyonena dopaixulo mexuliloshivike.
Omupopiliko wopolifi moNamibia Omupedu Commissioner Kauna Shikwambi okwa koleka oibofa aishe yomakwatonghonga.
Okaana keedula nanho oka kwatelwa onghonga meumbo lavo kumumwainamati weedula 16 komukunda Okaluwa moshitukulwa shaShikoto omanga okaana keedula omowoyi nako oka kwatelwa onghonga meumbo lavo kumumwainamati weedula 16 momukunda GwaNiita mOmusati.
Lwopokati opo opa lopotwa okakadona komido 17 nako ka kwatwa onghonga komulumenhu womido 27 modoolopa yaKatima Mulilo.
Moshiningwanima shimwe vali shekwatonghonga, omukainhu weedula 27 okwa ehamekwa, vati a dengwa nokonima okwa kwatwa onghonga komulumenhu waye weedula 42 moodolopa yaLuderitz.
Opolifi oya hokolola tai ti omufekelwa okwa denga yoo vali okaana kavo keedula mbali kokadona noku ka ehameka.
Oonakuninga oihakanwa aveshe ova twalwa koipangelo opo va ka ningilwe omakonakono opaunamiti.
Ovafekelwa vatatu ova kwatwa po omanga omufekelwa umwe okwa faduka po konima yoku longa oshimbuluma.
Opolifi oya kunghilila oshiwana opo shi kale a lushe tashi lopota oibofa yomakwatonghonga pefimbo.
- fhamalwa@nepc.com.na