Vatungiomo momukunda gwaOkalongo kugusa novili dononzi vazwide notenga dawo domema ano vamwe kukarara poopo yipo vagwane mema morwa mema ngesi kuna kupita tupu nakauke.
Awo kuna vagumu momunene mukaro ogu gokupira mema. Nomukunda dokoure kuna kara Onamanape, Ondeikela, Ohakuyela ntani Omambubu yido nomukunda dina gumu udigu ou momunene. Mokukwama kansela gwaOkalongo, Laurentius Iipinge, sinzi somambo kuna kara ngesi gahana mema, siruwo esi zomutenya morwa mema kugagwana tupu masiku, ago kugagwana masiku morwa ago kupita nakauke.
Mema nye aga gana kupita nakauke kutunda ko rural water supply gakara asi kugevera konomukunda ngwendi Anamulenge ntano Okalongo momukunda horowero gwaOmusati, kuna kara asi kuna kupita nakauke.
“ Udigu ou kwatamekere mvhura ezi zina puko. Ngesi kuna kara makwedi ntazimwe omu yina kara asi vantu womomukunda kapi vana kugwana mema,’’ yimo ana kutanta ngoso.
Age katente asi vana mupe mbudi asi mema gokutunda koOutapi gaze koAnamulenge ntani Okalongo kuna kugenda noudigu unene.
‘’ Nye amen are vatanterange asi NamPower ngatura nomuliu edi dokutunda koOgongo dize koAnamulenge.
Aged kagwedereko asi udigu ou nare vaugava kovarugani vaNamwater ava vatanta asi navariugana ko Yuma. Eyi kapi yina wapa.
Vatungimo kuna kugava runyegenyo nkenye ezuva ano name kuna kuzuvha udigu wawo.
Awo kapi tava vhuru kuparuka vahana kugwana mema.
Mema eparu. Ame kapi nina kuyihafera yangesi.
Mutungimo gomomukunda Ondeikela, Maria Shinedima, katanterere sayitunga zaNew Era, awo kuna kukara nosiruwo mokundindira mema gayasike omu vana kugareta vayature monondama yipo asi gagende nakauke gayasike oku vanagahara.
Ano ava vana kara asi kapi tavagendi sinano sosire awo ngesi kuna kuveta momatope mema gokunwa ntani gokuruganesa membo , yimo ana kutanta Shinedima.
Joshua Shipepe gatunga moOkalongo katente asi mukundagona horowero gwawo kuna kumona udigu womema.
‘’ Ame nina diva asi ose kapi tuna kara nononkondo mokugusapo udigu ou, nye nsene lina wiza ehoroworo , awo kuwiza kwetu, omu navatuhundire tuze tukahorowore, kapi nakuyizuvha eyi, yimo ana kutantangoso.
Nompitisili detu nare datutumbwidira asi kapi ngatu kara noudigu womema, ngesi yinke nye eyi? Ose kwahorowora tuture udigu koudigu ou twakara nawo. nonkambadaro dokugwana nkumbu zina kutunda kwaNamwater John Shigwedha kapi kaditompokere.