Ovalumenhu vavali ove likufa eemwenyo mexuliloshivike moshitukulwa shaHangwena. Omulumemhu weedula 28, okwe likufa omwenyo Olomakaya efimbo lokonguloshi monduda yaye yokunangala, momukunda Oshali shaShatongeni.

Nakufya oye Wilhelm Hoshipolai Shidute omukalimo womomukunda Oshali shaShitongeni.

Omulumenhu omutivali weedula 58 naye okwe likufa omwenyo Oshoondaxa efimbo longula potundi 07h00 monduda yaye yokunangala, momukunda Oikoto moshikandjohoololo shaNgenga.

Nakufya oye Jonas Mboti womomukunda Oikoto, omunailonga wetanga leameno kokamba yovakwaita koKeetmanshoop.

Omupopiliko wopolifi moshitukulwa shaHangwena Inspector Kaume Itumba okwa hokolola ta ti ovalumenhu vavali aveshe ova hangika ve li meemhango va fya meenduda davo dokunangala kovaneumbo vavo.

Itumba okwa ti ovalumenhu ava inava fiya po nande omikunda dokuyandje ouyelele kombinga yomafyo avo, okwa ti omakonaakono opolifi otaa twikile.

Itumba okwa kunghilila oshiwana opo shi kale tashi popi novaxungimwenyo ile novafitaongalo ngeenge shi li moupyakadi, opo shi kale sha pewa omakwafo.

– fhamalwa@nepc.com.na