Ozombara zOmbongarero yOzombara zOvaherero nOvambanderu otja komairo wakumwe noruyano rwa Kandjoze maze yandja ondunge koviwaøa vyazo okuhina okuøuka euru mozombongarero nÿa tandwa nokutyewa okuvitjivisa ozondanaukiro koruyano rwapamwe, oJoint Declaration (JD).
Ondjivisiro okuza kOkomiti yOtjiÞiro Otjindjandja i ri motungovi mOtjiherero ndji mai tjivisa ™ovahona∫ ozombongarero motukondwa tu twa kekerwa ombatero yOvandoitji. MOmaheke ozombongarero nÿa maze utu Omandaha tji ye ri 13 komueze mbwi mOtjinene. Oritjavari, 14 ku Tengarindi Omaueuozonjanda; Oritjatatu, 15 ku Tengarindi Omurongo tja Eiseba; Oritjaine, 16 ku Tengarindi Otjovazandu tja Tjombinÿe nu Oritjatano 17 ku Tengarindi Omongua.
Ozombara za Kandjoze maze ihamisiwa i yozombongarero nÿa nÿu maze munu kutja outimba nokuhina okuvevara kohoromende kaparukaze mbwa tanderwa okutomba ouvara wazo otjovanane vombazu. Na wina okuhaøena ko oviwaøa vyazo. Maze tja omukambo wohoromende mbwi ongondjero yokuveundurira korunÿenÿe naøi maave yakura oJD nandarire moungundipare wayo mokutja kai nouvara nomuzura kaparukaze nopu ya zokuyarwa i yotjimbumba tjotjivaro otjingi tjozondekurona.
Ku nao ozombara opu maze ningirire ohoromende okuyarukira omuhunga wayo imbwi mbu ya ramanga nokuzako komikambo avihe vyokutwa oJD momaunguriro, oyo ndje ripurwa oupirame nourizemburuka oupukise.
Komurungu maze ningire ohoromende okuhaamisa ombongarero onene yotjiwaøa atjihe tjimanga ndji mai hungirire kOtjiÞiro, otjihungiriro tji tji hepwa tjinene. ™Tjingetjo matu ku kovandu vetu apehe pu ve ri motukondwa, okurihumburura nokuriyambekurura kozombongarero inÿa ohoromende nÿu mai isana nu nÿu ya tanda okuhaamisa motukondwa nÿu maku zu okutjivisa omarundururiro koJD pu nozondekurona,∫ orutuu kozombuze rwozombara maru tja.
Maze tja otjikumise kutja ngunda ovo otjovanane voviwaøa vyazo pekepeke nozondekurona zOtjiÞiro Otjindjandja nu mba yara oJD mondimwa yayo mai ve ruruma, ™ohoromende mai hungirire kokuiÞunaÞuna nokuitokotora,∫ nokuitwara kovandu vazo. ™Nokuhina konatja okuripurira kokuiyeta ku eÞe rutenga okuikonÿonona.∫
Maze tja tji pe novandu mba sere okutwara omarundururiro woJD koviwaøa vyavo, kavarwe pendje na vo oveni ndoovazu ovo mave itavere nokuhitasana na yo. Ndoovazu kape karere nao okutja ovo kamaave kara nongamburiro mohoromende na mouatjiri wayo.
Mena rokutja nokuhina okutwara otjiøa hi ku wo rutenga, mape raisa kutja oyo kai nouatjiri. Nu mu nao oviwaøa vyazo opu vi ha sere okukara nongamburiro mu yo. Nopu vya sere okurihumbururira nokuriyambekururura kotuhindo tu twa tandwa okutjitwa motukondwa.