New Era Newspaper

New Era Epaper
Icon Collap
...
Home / Walvis Bay kuna hara mbatero kepangero

Walvis Bay kuna hara mbatero kepangero

2021-09-16  Eveline de Klerk

Walvis Bay kuna hara mbatero kepangero

WalvisBay – Ndango zodoropa zaWalvisBay kuna kugazara kukapura mbatero kepangero lyekurona mokuvavatera vakulike farama 37 likare evango lyokutunga modoropa.mukurona godoropa zaWalvisBay Trevino Forbes sivike kasipwire katente asi kansela kwatulira ntere yimaliwa yokusika ko N$37 zonomiliyuna vatunge matungo kevango eli vatunge makuma omu vana kugazara asi vantu vakatungeko morwa kapi vana kara nevhu eli nava vhura kupa vantu modoropa zawo. Farama 37 kwazididilikire mo 2016 vakansela vanare ntani nguuru gomukunda gwanare Cleophas Mutjavikua omu vagwene asi nsene vagwana evango olyo hawe navagusapo udigu ou. 

Konyara vatungimo wokusika ko 50 000 kuna kara momambo gokuhira ndi kuna kara momambo gene vadika noyipereki konyima zembo omu vana kuparuka eparu lyodona unene. Farama 37 kuna kumoneka asi evango eli kuvhura vatungepo mambo gokusika ko 30 000. Mvhura zina puko, epangero lyapulisilire kudirura vantu wokusika 800 omu vavatwereko morwa siruwo nye esi souvera Covid-19.

Nampili ngoso, Forbes sivike kasipwireko katente asi pelikwamo lyawo kuna karapo pontambo zokuhova kugava mavango gouturo kovantu nampili ngomu yina kara asi ndiro unene. ‘’ Mokukulika farama ezi, kuna kara melikwamo. Ngendeseso zokurundurura vantu vaze kevango lina ntaantani tupu vayizigire. Nampili ngomu yina kara asi yimaliwa kwato, kapi yna kuhagekesa ndango asi vapire kupungura yimaliwa ,’’ yimo ana kutanta Forbes. Age simpe katente asi ndango zodoropa kuna kuhundira (APA) eyi nayininka asi vature egazaro nomunavaturamo mahundiro. ‘’ posiruwo nye esi, ose kuna kuninkisa ministera apulisire yipo tugenderere kutura nayinye eyi moyirugana nokugava evhu, yimo ana kutanta ngoso. 

edeklerk@nepc.com.na


2021-09-16  Eveline de Klerk

Share on social media