WALVIBAY - Konyara vanona wokusika ko 143 kapi navagwana mavango gokulirongera moWalvisBay morwa kuna kara noudigu womavango gonosure.
Eturo ndi asi egavero mavango gontambo ndunge zokuhova kuna kumoneka asi nasikara sidigu mwankenye mvhura, omu varongwa novakurona vana kuhundira egwedereroko lyononkondwa rongero omu navatambura vanona navenye.
Mokukwama mokarelipo nosure momudingonoko gwaWalvisBay, Monica Gawises, awo petameko kwakere novanona wokusika ko 431 pendindiro wontambondunge zokuhova modoropa zawo.
Ano nye nosure ngwendi Kuiseb Primary, Immanuel Ruiters ntani !Nara primary , kwatambura vanona vamwe ; nampili ngoso, ngesi kuna kara nye novanona wokusika ko 143 vana pumbwa mavango gokulirongera yimo ngoso ana kutanta.
Age simpe katente asi mberewa zendi kuna kugwanekera novakurona vana kutanta asi awo kuna hara vana vawo vavatambure konosure.
Ose kuna kugava nye mavango nsene vakurona womunona kuna kugwanekera nose ano nsene mukondi ana mwena hawe nose tatu mwenako.
Age kuna kuhundira vareti novarerwa asi vahepa kutjangesa vana vawo nosiruwo yipo vagusepo udigu ou.
‘ Ame nahepa nkenye apa kutuma vakondi wokusika ko 300 vatengure morwa etjangeso vanona kuligava nkenye apa mwaNsinano, , yimo ngoso ana kutanta.
Gawises katente hena asi awo vana kara novanona wontambo ndunge zountantatu vana kara pendindiro.
‘’ Mokugusako nye oyo, nosure detu hawe ngesi dina manamo mokutameke erongo mvhura ezi, kugusako tupu JP Brandt koUtuseb. Eyi kuna kafrerepo morwa ewapukururo lina kara posurekevango lyokurara varongwa eli lina kutwima ngesi.
Age kagwedereko asi 90% zovanona kwakara mevango lyosure, makura oyo kapi nye nayimoneka nawa vatameke sure awo kwato mavango gokurara.
Nonkambadaro, mukurona gerongo momukunda gwaErongo Erenfriede Stephanus nkera katente asi awo kuna kutara nonkambadarop dimwe omu navavhura kugwanena mavango kovanona owo 143. Ame nani gwanekkera naGawises nayina(nkera) tutare asi ngapi naturuganamorwa mavango gamwe gana zura unene.
Yimo ana kutanta. Age katente asi edi kuna kara tupu nonkambadaro dokukwateramo, morwa ngesi kuna kudikako nosure dimwe ndi nonkondwa dimwe edi vana kugazarera asi kuvhura dika pwe mwaKudumogona mvhura zeezi. ‘’ Makura nepu yipwa oyo ose natutengwida nye vanona owo konosure edi vawapera kukara, yimo ngoso ana kutanta.
– edeklerk@nepc.com.na