Opolisi moshitopolwa shaShana oyi li molukongo lwa David Shaamena (27) ngoka a li a dhengwa kookuume ke konima sho a dopa oku topola oshimaliwa shoka ya li ya landitha onzi ndyoka ya li ya yaka.

Omugandji gomauyelele moshitopolwa shaShana Thomas Aiyambo okwati, omulumentu ngoka okwali ihulwa okumonika mo masiku 16 gaKotoba nuumvo.

Oshiningwanima shika oshali sha ningwa momukunda 

 Ohakweenyanga  mOngwediva.

Otaku hokololwa kutya omulumentu ngoka okwali ya yaka onzi pamwe nookume ke yatatu, no kwali ye yi landithapo pondunda yimwe yomanwino mOngwediva.

Aiyambo ta ti, Shaamena okwali a pewa oshimaliwa shonzi ndyoka kumwene gondingosho, ihe okwali a matukapo inaatopola oshimaliwa  nayakwawo, oshoka oya li ya longo iilonga pamwe. Ta hokolola kutya aalumentu mboka okwali ya kongo Shaamena sigo ye mu mono, eta ye mundhenge shinyanyaleka. 

Otaku hokololwa kutya okuza sho ali adhengwa kookume ke, inaku tseyika mpo a yi. Aiyambo ota indile oshigwana ngele opuna ngoka ena uuyelele mpoka pena omulumentu nguka, alopotele opolisi yi li popepi naye nenge adhenge konomola mositasi mOngwediva 065 234 000. Otaku hokololwa kutya omulumentu ngoka kena ongodhi, ye okwakongwa ko mahala agehe takufekelwa ena okukala.

Moshiningwanima inaashifaathana, Omukiikntu gwomimvo 17 gwedhina Zizoresma Lisheen okwaningi omasiku ta kongwa kaakwanezimo ye sho anuwa azi megumbo oshiwike sha ziko,  ihe ina galuka.

Otaku hokololwa kutya okwali a monika lwa hugunina e li nomumati ta hingi okahauto okaPolo okasilva konomola inaayi tseyika.

Aiyambo ta ti, omukiintu ngoka ongodhi ye oya ndhima. Kehe ngoka ena uuyelele mpoka pena omukiintu nguka nadhengele opolisi yi li po pepi naye, opo a kuthe aakwanezimo ye momalimbililo.

Ta ti, nenge nadhenge konomola ya meme gwe 081438 6093.

Ta gwedhapo ta ti omukiintu ngoka okwali a kuthwa pegumbo mOngwediva Onkulu.

– vkaapanda@nepc.com.na