New Era Newspaper

New Era Epaper
Icon Collap
...
Home / Zambezi ilela kupenda ba65 000

Zambezi ilela kupenda ba65 000

2021-10-04  Staff Reporter

Zambezi ilela kupenda ba65 000

Marythar Kambinda

 

KATIMA MULILO – Sikiliti sa Zambezi sibeile sikonkwani sa kupenda batu babalikana likiti zemashumi asilezi kaba ketalizo pili kweli ya Ñulule isikafita kale. Mubusisi wasikiliti sa Zambezi Lawrence Sampofu nabulezi zeo kanako yakuamuhela mupendo wahae wakuisileleza kwabutuku bwa Covid-19 viki yefelile. Mubusisi yana fumani mupendo wa Johnson & Johnson, nafitisize pilaelo hala nombolo yekutezi fafasi yababa amuhela mupendo mwasikiliti sa Zambezi. “Lukupa batu baluna kutaha kabuñata kuto pendiwa. Lubeile sikonkwani sa kupenda batu babalikana 65 000 pili kweli ya Ñulule isika fita kale,” nabulezi.

“Nikupa hape bayahi banaha Namibia kutokomela kuno teleza kwamabulatwi akandekwa famakepe akuitabisa, kakuli atezi mañusa akona kumizwafisa kuli mupendiwe. Kihande kuteeleza kuseo muuso ulubulelela.” Nabulezi hape kuli mungendenge wakupendiwa noli bunolo kakuli babeleki bamakete bafa litaba zetokwahala kaufela. “Bakutolokela zabunde ni bumaswe,” mi nabulezi asusueza bayahi basikiliti kupendiwa. “Muswanela kukuta kwasipatela kwanu haiba hamuikutwi hande kasamulaho akupendiwa,” neku elelize Sampofu, ili yana sindeketilwe kimufumahali wahae Julia, yana amuhezi mupendo oswana.


2021-10-04  Staff Reporter

Share on social media