Ouministeli womauyelele, nomakwatafano opaungoba, owa dimbuluka vamwe vomovahandjakaneki vouyelele komalungula, oo u li momukalo wokumwenyeka ovanhu osho yo oitufi ya yooloka. 

Molwelongifo lavo liwa komalungula, osho yo momukalo ou tau tungu wo itau pukifa oshiwana, ouministeli owa yandja olupandu loimaliwa meengudu da yooloka kovafindani. 

Minista womauyelele Emma Theofelus okwa ti, olupandu eli kala li ashike lopashimaliwa, ndele ovanhu ova pewa yo omapapa nomauwa a wedwa po. 

Umwe womwaava va pewa omapapa Severus Rauha okwa ti ei ondjila osho yo etameko liwa, lo olweendo laava tava ningilwa kouministeli. “Onda hala okupandula ouministeli molwoilonga ei. Kandali nokuli nde shi teelela,” ta ti. Okwa twikila kutya eli etameko lakula kuye molweendo longhalamwenyo yaye yokumwenyeka komalungula, nokwa hala okuya kokule noshikumungu eshi. 

Severus okwa twikila kutya okwa hala yoo oku yandja olupandu laye kovanamibia, ovo va kala noku sapota ouvidio vaye, ovo vemutula pondodo yokudimbulukiwa kouministeli. 

Minista okwa ti okwa hala ovamwenyeki voko malungula va dimbulukwa moilonga yavo, onga etwo mukumo loku ninga eshi hava ningi. 

“Ovanhu ava ohava dana onghandangala ya kula moku xumifa eliko loshilongo, shaashi ohava nane ovadjai djai oku dilila kondje yoshilongo, veuye va talelepo Namibia,” ta ti. 

Natango ova ti ohava yandje yoo omhito yoku ulika Namibia alishe koonono, eedjo dalo oshoyo omifyuululwakalo. 

Theofelus okwa ti oshikondo shaye ota shilongo noudiinini, moku dimbuluka ovanhu ava, opo va twikile noku longa noudiinini. 

taimihaihambo2000@gmail.com