Paulus Wilhelm (23), Ndeshipanda Kaapangelwa (51) naAwala Inamugadhimbwa (34) ova pewa omhito yokulifutila mo modolongo noN$800, eshi va yasha ondjaba. 

Efiku tuu olo, ondjaba ei oya dipaa omukainhu weedula 46, Klaudia Mwaala. Ovatamanekwa ova holoka momhangu yamangestalata kOkahao Omaandaxa. Ovatamanekwa ava ova kwatwa po eshi ve likufila onghatu ndele tava ya sha ondjaba nokumonifwa oshiponga. 

Oshiningwanima osha oshivike sha dja ko komukunda Omuguluwombashe moshikandjohoololo shaTsandi. 

Omukulunhu wopolifi moshitukulwa shaMusati, Commissioner Ismael Basson okwa koleka ta ti ondjaba oi li pongushu yoshimaliwa N$295 000. Otaku hokololwa kutya ovatamanekwa ova hangika nondjebo ihe na omikanda. 

Opolifi oya ovatamanekwa ova pangulilwa oshibofa shokuyasha oifitukuti ya amenwa vehe na epifikilo. Opolifi oya hokolola tai ti ondjaba oya ponokela momapya ovakwashiwana nokundja opo ova tameka okulandula ondjaba tave i taataya. Ovakwashiwana ova twikila okulandula ondjaba tave ikupala noiti naashi osha eta ondjaba ikale ya hanya. Otaku hokololwa kutya ovatamanekwa ova sha ondjaba komaulu ndele tai denge po. 

Opolifi oya ti konima eshi ya shwa oye li denga po. Ovakwashiwana mwa kwatelwa nakufya ova tameka tava kwata ondjaba vo tave lifeneke omafano. Ondjaba oya tanauka ndele tai dipaa omukainhu ou. 

Efiku olo, ondjaba nayo oya dipawa kovanambelewa va dja kouministeli womidingonoko. 

Ovakwashiwana ove litopolela po ombelela. 

-fhamalwa@nepc.com.na