“Omwatje wonganda yovita,” Oversea Tjongarero matja tji ma zemburuka Ongenerara Majora, Floriana Kapapi Uatanaua Uahindua, ngu vauta pamwe erapi  rotjiserandu mehi ra Kakazona.

Ombura yozombura umwe wovaute voviritje okuyaruka ombunda kumavizire, Kakazona Kavari, watjirwa ama ravaere mOmurari wOndjivisiro Ombaranga amatja ™mwararaviº∫. Otjotjiri hapo Vaherero, Vambanderu mwararavi amwa wisa ondjou? Tjimuna Omutjangerepo Omunene wOswapo ya Namibia, Sophia Shaningwa, tjimatja wawisire omurwe we omunene tjatja ngatoore o-AK47 poo Ombazuka tjandje watjiti nao nokuhina okwiivaiva poo okuwomba, tjuingetjo, Tjongarero matja otji tjari Uanindua kuwo mEhi ra Kakazona. 

Okumwi ku ma kungara ma ku munika monÿiro ya Uahindua ngahino Ovaherero, nOvambanderu otja tjivetja hapo omena romwatje womusyona nguhino hiwo? Kaparukaze Uahindua kamwatje womusyona tjinga eye Tjongarero otja tji ma tja ayeri wonganda yovita. Moina ayeri wa Rukambe, Tjihenuna  wondjuwo ya Kaomba; Tjitjaere, Muhambo wa Tjombe  nayeri wOhorongo.

Moihe ayeri wa Mutanga wa Kuţako wa Muatjimbonde wa Kujambera kwa Ndjamo wa Kazu ka Tjivahe tja Muambonde wa Ndjavera wa Sembi ya Nameva  ya Kuhepa. Owa Katjimune; owOmbandi owoTjirera. 

Otja tjeri ozombura zongondjero yOtjisuta kombindu yovati novakuru, pendje nouţakame we merapi no ma tunduuziro wombazu tjinene mokati komitanda, wari omupyuke nohoroose mOtjiţiro Otjindjandja ngwaa haundjwa poo nguhari wokongotue movitjitwa vyatjo mEhi ra Kakazona. Movingi wari orupa rovimbumba vya Namibia mo-2016 tjivya kEhi ra Kakazona, eye tjandje meri omuture, oku yakura ohongonono momatjangwa yOtjitiro Otjindjandja, ndja tjangerwe iyouvara wohuurire mOkapa  wehindo. Pendje nokutja otuhindo two Mbara Otjitambi yOvaherero omuyaruke Vekuii Rukoro, mehindo aa tu sekire poye.  

Otjotjitenda, Tjongarero otja tji me mu riri, ondjita nawa ndjitanavi, waţire otjitenda moumba womatemba tjiyari yetatu komweze imbwi mondjira pokati ka Usakos na Arandis tjimuna otjitenda otjikwao, Uerikua, eyuva tjingero. Aa herikire tjirari etenga okuza kouye wopendje.

Ondekurona omuyaruke Uahindua, wina ngwaa tjiukwa norusuvero otjOmbara yOtjimungunda, masuvisiwa mOtjomuise muhuka pombongo indji yo Pioneerspark okuza momurongo womuhuko’ munene. Kakutja otjomukwatera wOmbandi tjandje nao matekere ombara yOmbandi, Kumaituara Kukuri, nguri mbo meņe yorutenda, omeva.