Posts by Festus Hamalwa:
Commissioner General Raphael Hamunyela pamwe noilyowilikingudu yokuyandja omayele kevyulonghalo laLuno mOndangwa ova ninga omutumba Etivali wali kombinga nghee ovanadolongo vena okukala va kwafelwa.
Ehangano loCALTOP ola yambidida omukunda Eembidi uli moshikandjohoololo shaMundaungilo, moshitukulwa shaHangwena eshi la yandja ekwafo lomboola yomeva kovakwashiwana. Mopaife ngaha oshiwana shopomudingonoko ita shi ka enda vali eendjila dile shaashi osheetelwa omeva popepi.
Omulumenhu weedula 48, okwa fya eshi a wa membakumbaku efimbo lomutenya potundi 13h00 momukunda Onambandje, moshikandjohoololo shaKahao. Nakufya okwa tongolwa oye Nande Erastus omukalimo wokomukunda Omafa, koshitukulwa shaHangwena.
Ongudu yoSwapo oya yambidida ouministeli wouhaku nonghalonawa eshi ya yandja oikumbafa i li pongushu yoshimaliwa N$21 000.
Kansela woshikandjohoololo shaNdobe Helaria Ndjuluwa pamwe nevava longudu yoSwapo lovakainhu, ehangano loProject Hope ova yambidida omaumbo avali ovakulupe konima eshi a pya po komundilo.
Ngaashi naana kwa didilikwa kutya ounamapya owa fimana moshilongo, kansela woshikandjohoololo shaNdobe Helaria Ndjuluwa ota hokolola ta ti ota ka ninga oshikunino shakula shokulonga olwishi.
Omulumenhu a longele ofitola yoFysal Fresh Produce okwa ponokelwa koolyamupombo ndele ta nyekwa oshimaliwa shi fike N$978000 Etitano potundi 10h50 yongula kOshikango, moshitukulwa shaHangwena.
Omukonakoni womikifi mounisteli wouhaku nonghalonwa Emilia Konstantia ota hokolola ta ti okwa didilikwa okila yoshipangelo shaCentral moWindhoek ina omalutu ovanhu va fya kombuto yoCovid-19 oku dja momwedi Juni.
Omukainhu weedula 27, pamwe nounona vaye vavali voumati ova fya eshi va pila mobashu yavo yokunangala Oshoondaxa potundi 23h20, kolukanda lwaKuvukiland Block modoolopa yaTsumeb.
Omukulunhu wehangano Kwafela Oshiwana Foundatio Paulus Kornelius ota indile moshiwana opo shiyambidide omukainhu Bernadette Kanambungu a pumbwa ekwafo loshimaliwa opo a ka lande eshina lokufudifa.
Ngaashi naana kwa didilikwa kutya ouministeli wouhaku nonghalonawa owa pumbwa oikwafifo mokukondjifa ombuto yoCovid-19, Oshipupudilo shopombada shaUnam osha yambidida ouministeli wouhaku eshi sha yandja oikwafifo yoCovid-19 yongushu yeemiliyona mbali.
Kansela woshikandjohoololo shaKongo Efraim Shipindo onghee ngaa ta twikile nokuyambidida ovakulupe moshikandjohoololo shaye.
“Kandinasha oufemba woshilongo, nokaana kange ka kenasha oufemba, okaana kange oka dalwa kena oulema molutu lako alishe onghee ohandi xupu noudjuu shaashi kandinasha oyuuyemo. Ondali ku konga omakwafo keembelewa ashike inandi mona ekwafo fiyo onena”.
Ovakalimo vokolukanda Oshikango mUupindi, modoolopa yaShakati ova lulilwa konghalo eshi tava mono oixuna shaashi kaavena sha edu lokutunga omaumbo avo.
Muni moshilando shaWindhoek ota ka tungila ovanhu 7000 omaumbo keenhele domalukanda a yooloka moshilando pangelo.
Ngaashi naana kwa didilikwa kutya oshikondo shomavyulonghalo moNamibia osha pumbwa oku yambididwa, Ehangano loShip Chandler otali ka yambidida okutunga endiki lokuningila oinyangadalwa yofikola kevyulonghalo laWalvis Bay.
Ehangano lovanhu vena oulema loNational Federation of People in Namibia ola hoolola oilyowiki i pe ili vahetatu.
Ovanyasha veli 11 pamwe nakansela woshikandjohoololo sheEenhana Olivia Hanghuwo ova pewa omadeulo okulonga noimeno yayooloka ngaashi omanuwa, omakwaava, omapapaye, omandjembele nosho tuu oimeno ikwao ya wedwapo.
Elelo mOhangwena ola a ndyakaneka omeva momikunda ngaashi Oomaanda, Ohameva nOmukukutu eshi vali va yandya eemboola dili mbali mEtitatu.
Ngaashi naana kwa didilikwa kutya oikondo yayooloka oya dengwa konghalo yombuto yoCovid-19, Ongeleka yaELCIN otai ti kutya epangelo ola pumbwa oku wedela omwaalu wovanhu va pitikwa okukala veli meni longeleka pefimbo lelongelokalunga. Your experience on this site will be improved by allowing cookies. Allow cookies