New Era Newspaper

New Era Epaper
Icon Collap
...
Home / A dhengwagulwa, a yugwa nokukwatwa koonkondo

A dhengwagulwa, a yugwa nokukwatwa koonkondo

2023-03-03  Victoria Kaapanda

A dhengwagulwa, a yugwa nokukwatwa koonkondo

Opolisi moshitopolwa shaShana oyi li molukongo lwomulumentu ngoka anuwa a kwata omukiintu gwomivo 29 koonkondo noku mu dhengagula oshowo oku mu yuga iinima ye. 

Oshipotha shekwatokoonkondo, noshokudhenga omuntu nelalakano lyokumonitha olutu iihuna osha patululwa moshitaasi shaShakati oshiwike shika. 

Omu ku luntu gwop ol i s i moshitopolwa shaShana Naftal Lungameni Sakaria okwa ti oshiningwanima shoka osha holoka molukanda Okandjengedi mOshakati. 

Otaku hokololwa kutya omukiintu ngoka anuwa okwa li ta ende ethimbo lyuusiku kooha dhopate, sho a li a ponokelwa komulumentu ke mu shi. 

Omukiintu ngoka anuwa okwa li a dhengwa moshipala tango noshitenda, shoka anuwa she mu monitha oshiponga noonkondo. 

Anuwa okwa li a hililwa piihwa yi li popepi nopate nokwa li a kuthilwa ombele yokapi nokuningilwa omatilitho kutya ngele okwa kugu ota dhipagwa. 

Ot aku hokol o lwa kutya omulumentu ngoka okwa li a tsikile okukwata omukiintu ngoka koonkondo. 

Konima yokulonga iilonga mbyoka, omulumentu ngoka anuwa okwa li a kutha omukiintu ngoka ongodhi ye yopeke, e ta yi nayo. 

Omukiintu ngoka anuwa okwa lombwele opolisi kutya ina koneka omulumentu ngoka, nonando okwe mu tsakaneke, ite mu dhimbulula. 

Opolisi inayi popya ngele omulumentu ngoka okwa li a izaleke sha koshipala opo kaa dhimbululwe. 

Sakaria okwa ti okwa kala nokukumagidha oshigwana kaashi ende uusiku. 

Ta ti, ngele ope na iimpwiyu yimwe tayi thimike okweenda kwaantu uusiku, naya kale haya pula ya thindikilwe nenge ya kuthe oolefa. 

Ta gwedha po kutya nonando taya kondjo okulwitha iimbuluma moshitopolwa, oshigwana thimbo limwe ohashi longitha omikalo dhimwe dhokuhila aafuthi. 

Sakaria ta ti, otaya tsikile okugwanitha po iilonga yawo nelalakno lyoku hulithapo iimbuluma moshitopolwa. 

Shoka osha holoka ashike omasiku omashona sho gumwe gomaalumentu yahamano mboka kwali ya ponokele omulumentu omunyasha nelalakano lyokumuyuga okompiyuta yopeke, a mangwa. 

Omugandji gomauye l e l e moshitopolwa shaShana Frieda Shikole okwa ti, oshiningwanima shoka oshali sha ningilwa konima yosekundo sikola Iipumbu mOshakati. 

Ot aku hokol o lwa kutya omulumentu ngoka okwali aningi omunelago sho kwali a patukununwa komupolisi nale ngoka ali a piti po ethimbo oshiningwanima tashi holoka. vkaapanda@nepc.com.na 


2023-03-03  Victoria Kaapanda

Share on social media