New Era Newspaper

Top Featured
Icon Collap
...
Home / A dhipaga kuume ke

A dhipaga kuume ke

2021-01-12  Victoria Kaapanda

A dhipaga kuume ke

Omulumentu gwomimvo 33, Etitano lya zi ko okwa mangwa po kopolisi moshitopolwa shaShana sho a dhenge Jafet Benjamen gwomimvo 34 sigo eso.

Omugandji gwomawuyelele gwopolisi moshitopolwa shaShana Thomas Aiyambo okwa ti oshiningwanima shoka osha holoka momukunda Oshipya, pehala lyomaninwo lwopotundi 16h00 yomutenya.

Otaku hokololwa kutya, kape na uuyelele wa gwana natango kutya oshike sha etitha eso lyomulumentu ngoka. Moshiningwanima inaashi faathaana, olutu lwokanona komimvo hetatu okwa li lwa adhika mokanaala komeya mOshakati.
Aiyambo ta ti, oshiningwanima shoka osha holoka lwopotundi 16h00 yomutenya momudhingoloko gwOmpumbu.
Otaku hokololwa kutya okanona hoka okwa li taka yogo omeya opamwe na ya kwawo yaali mokanala kaNamwater.
Kape na ngoka ta fekelwa moshiningwanima shoka, nolutu inalu dhidhilikwa lwa ehamekwa.
Opolisi otayi tsikile nokukumagidha aakuluntu ya sile oshimpwiyu aanona aashona ethimbo alihe oshowo oku ya kumagidha nokuyalonga kombinga  yoshiponga shomeya.

Iiponga mbyoka yoludhi ndoka oya kala tayi holoka unene koshitopolwa shaMusati. 
Oshiwike sha zi ko okanona komimvo mbali oka gwile mendoloma lyomeya momudhingoloko gwaKahao .
Otaku hokololwa kutya  okanona oka li ka thigwa po kokamwayina komimvo hetatu, shoka ka galuka oka adha okamwayina ka sa omeya.
Iiponga yoludhi ndoka oya dhidhilikwa unene moshitopolwa moka. Omukuluntu gwopolisi moshitopolwa shaMusati Titus Shikongo okwa ti, oya kambadhala okukumagidha nkene aakuluntu yaanona yena okukeelela iiponga yoludhi ndoka, ihe ina puya elunduluko.
Omulongisikola Laina Nekulu Daniel, okwa ti okwa koneke kutya aakuluntu oyendji mshitopolwa moka oya pikwa komalovu gwokoongoma, ihe momagumbo ihaya kalamo.

“Uunona otawusilwa oshimpwiyu kulye ngele ooyina noohe oya kalela uuningosho okuz ongula sigo uusiku, ya thiga aakulupe naanona momagumbo,” Daniel a popi ngaaka.
Ta ti iiponga oyindji ohayi holoka oshoka ka pena esiloshimpwiyu lyaakuluntu.


2021-01-12  Victoria Kaapanda

Share on social media